Hlakkar til að takast á við móðurhlutverkið

Fyrrverandi fyrirsætan Tinna Alavis á von á barni í næsta mánuði og er þessa dagana að undirbúa komu þess. Hún er dugleg að fjalla um meðgönguna og hreiðurgerðina á bloggi sínu, alavis.is.

„Ég er virkilega spennt fyrir móðurhlutverkinu og hlakka mikið til að eignast litla prinsessu,“ segir Tinna.

Hún starfar sem blaðamaður á Home Magazine og er nokkuð langt síðan hún hætti fyrirsætustörfum.

„Ég er komin með allt aðrar áherslur. Núna mun ég einbeita mér að fjölskyldunni en draumurinn hefur alltaf verið að eignast stóra fjölskyldu.“