Sigrar hjá Löwen og PSG í Meistaradeildinni

Lið Guðmundar Guðmundssonar, Rhein-Neckar Löwen, vann frábæran útisigur, 24-28, á sterku liði Croatia Zagreb í Meistaradeildinni í kvöld.

Löwen í öðru sæti A-riðils á eftir Veszprém sem lagði Celje Lasko. Alexander Petersson skoraði þrjú mörk fyrir Löwen í kvöld.

Annað Íslendingalið, PSG, vann svo afar öruggan sigur, 38-24, á Wacker Thun í sömu keppni. PSG í öðru sæti C-riðils á eftir Barcelona.

Ásgeir Örn Hallgrímsson skoraði þrjú mörk fyrir PSG í leiknum og Róbert Gunnarsson eitt.