Eigendur fyrirtækisins Snapchat höfnuðu nýlega að minnsta kosti þriggja milljarða dala tilboði frá samskiptasíðunni Facebook. Upphæðin jafngildir um 360 milljörðum króna. Þetta kemur fram á vefsíðu Wall Street Journal.
Fleiri fjárfestar munu vilja gera tilboð í fyrirtækið en Evan Spiegel, 23 ára forstjóri og annars stofnenda Snapchat vill líklegast ekki skoða nein tilboð fyrr en snemma á næsta ári.
Spiegel er sagður vonast til að notendum forritsins muni fjölga nægilega til að enn hærri tilboð berist.
Snapchat hafnaði yfirtökutilboði frá Facebook
