Systur á uppleið

Systurnar Kristín Maríella og Áslaug Íris Friðjónsdætur hanna saman skart undir heitinu Twin Within. Þrátt fyrir ungan aldur fyrirtækisins hafa systurnar hlotið mikla athygli og mikið lof fyrir hönnun sína.

Tímaritið Seattle Magazine fjallar meðal annars um hálsmenin frá Twin Within á síðum sínum, en tímaritið hefur fjallað um mat, hönnun og menningu í Seattle í yfir fjörutíu ár. Blaðamaður Seattle Magazine segir myndir af hálsmeninu vera þúsund orða virði og hvetur lesendur sína til að kynna sér hönnun systrana enn frekar. Einnig hefur verið fjallað um Twin Within á finnska blogginu Trendi.fi, á vefsíðunni Scandinaviandeko.com og á Red Milk Magazine.