Marel býst við viðsnúningi á markaði

Tekjur Marel hf. lækkuðu um 4,3 prósent á öðrum ársfjórðungi þessa árs miðað við sama tímabil í fyrra.

Tekjurnar í ár námu 178,4 milljónum evra, sem samsvarar um 28,5 milljörðum króna. Rekstrarhagnaðurinn nam því sem svarar um tveimur milljörðum króna.

„Afkoma Marel á fyrri helmingi ársins 2013 endurspeglar krefjandi markaðsaðstæður og áframhaldandi töf á fjárfestingu á helstu mörkuðum félagsins,“ segir í tilkynningu félagsins. „Marel gerir ráð fyrir að viðsnúningur á mörkuðum verði á næsta ári í stað seinni hluta þessa árs og gerir ráð fyrir hóflegri lækkun tekna fyrir árið í heild.“