Vita núna hver ég er Óskar Ófeigur Jónsson skrifar 12. febrúar 2013 06:30 ÍR-ingurinn Einar Daði Lárusson stimplaði sig inn í tugþrautarheiminn árið 2012. Fréttablaðið/Anton Það verður lítið úr innanhússtímabilinu hjá besta tugþrautarkappa landsins, ÍR-ingnum Einari Daða Lárussyni. Hann ákvað að velja skynsemina frekar en möguleikann á því að komast á EM í Gautaborg. Frábært ár í fyrra gefur samt góð fyrirheit fyrir einn allra besta frjálsíþróttamann landsins í dag. „Hásinarmeiðsli eru slæm en þetta er ekki svo alvarlegt eins og er. Við nennum ekki að lenda í því að þetta verði eitthvað alvarlegt," segir Einar Daði um meiðslin en hann varð að sleppa því að taka boði á sterkt mót í Eistlandi. „Það hefði verið virkilega gaman að fara þangað og EM hefði getað orðið hrikalega skemmtilegt mót ef ég hefði komist inn. Þetta er bara svo lítið í stóru myndinni og maður lærir það eftir því sem maður verður eldri og reyndari í þessu að svekkja sig sem minnst á einhverju svona," segir Einar.Hefur spjallað við Jón Arnar Árið 2012 var frábært hjá Einari Daða sem náði sínum þremur bestu tugþrautum á ferlinum og sú besta, 7898 stig í Tékklandi í júní, er næstbesta tugþrautarafrek Íslendings frá upphafi á eftir Jóni Arnari Magnússyni, og kom honum inn á topp fimmtíu á heimslistanum og í fyrsta sæti yfir besta tugþrautarafrek Norðurlanda á síðasta ári. „Þetta lítur allt rosalega vel út," segir Einar Daði en hann æfði vel í haust. „Ég æfi bara frá degi til dags og sé síðan bara til hvað gerist," segir Einar Daði. Það er aðeins Jón Arnar sem hefur gert betur en Einar Daði í þraut meðal íslenskra tugþrautarmanna. Jón Arnar á þó enn sautján bestu þrautir Íslendings frá upphafi. „Ég hef aðeins spjallað við Jón Arnar. Maður verður að nýta sér allt það sem er í boði og ég reyni að tala við menn sem hafa reynslu í þessu. Fólk má ekki gleyma því að það er fullt af fólki hérna heima sem veit hrikalega mikið um þetta," segir Einar Daði. Þráinn Hafsteinsson er hans aðalþjálfari en fleiri koma líka að þjálfun hans. „Það er vesen að skipuleggja þetta og það eru ekki nógu margir dagar í vikunni fyrir þetta," segir Einar Daði léttur. Hann viðurkennir alveg að góður árangur hefur kallað á meiri áhuga á því sem hann er að gera. „Ég held að væntingarnar verði aldrei meiri en þær sem maður setur á sjálfan sig. Maður verður að reyna að setja sem minnsta pressu því ég held að það sé ekki gott að setja mikla pressu á sig," segir Einar Daði. „Ég ætla bara að gera það sem mér finnst gaman. Mér finnst sjúklega gaman að þessu á hverjum einasta degi. Það er nánast alltaf gaman í þessu. Vonandi getur maður með því að gera það sem manni finnst gaman smitað eitthvað út frá sér og gefið eitthvað af sér í leiðinni," segir Einar.Nóg til fyrir bætingu En hversu góður getur Einar Daði orðið? „Maður veit aldrei hvað gerist. Ég er þokkalega góður núna en gæti orðið miklu betri. Maður veit aldrei hvernig hlutirnir þróast. Það er nóg svigrúm til að bæta sig, alveg fullt, en maður veit aldrei," segir Einar Daði. Hann verður 23 ára gamall í maí og er langt á undan Jóni Arnari þegar litið er á aldurinn. Jón Arnar var ekki byrjaður að keppa í tugþraut á þessum aldri. Einar Daði vill þó ekki að menn einblíni á aldurinn. „Mér finnst svolítið með fólk oft að það segi að þessi sé svona gamall og hann á þetta í dag og þá á hann eftir að ná þessu þegar hann verður 25 eða 26 ára. Hlutirnir eru ekki svona einfaldir og það þarf svo margt að ganga upp til að skila fólki upp í efsta klassa. Það er nóg inni fyrir bætingu. Ég ætla bara að æfa og hafa gaman að því. Svo sé ég bara til hvað gerist," segir Einar. Einar Daði stimplaði sig inn á síðasta ári og á nú auðveldara með að komast inn á flott mót. „Það eru frekar stór tugþrautarmót í gangi í Evrópu. Ég ætla að fara og keppa á þeim og svo nær maður vonandi lágmörkum á þessi stærstu mót, HM, EM og Ólympíuleika. Það er frekar skemmtilegt líka að þeir úti í heimi vita nú hver ég er," segir Einar Daði. Frjálsar íþróttir Mest lesið Ronaldo sagður hafa hótað að siga lögreglunni á börnin Fótbolti Ekkert spilað í þrjú ár eftir ítrekuð læknamistök Handbolti Rekinn fyrir að kyssa liðsfélaga sinn Sport „Ég get ekki pissað eins og ég gerði áður“ Sport Leik lokið: Valur - FH 2-3 | Hafnfirðingar í úrslit í fyrsta sinn Íslenski boltinn Trúnaðarbrestur og formaðurinn hættur Íslenski boltinn Þjálfarinn Wiegman stal senunni í fagnaðarlátum enska liðsins Fótbolti Stóð uppi sem hetja Englands þrátt fyrir áfall skömmu fyrir mót Fótbolti Mario fer ekki á EM – fimm dottnir úr hópi Íslands Körfubolti Byrjaði ekki einn leik á EM en var samt valin í lið mótsins Fótbolti Fleiri fréttir Njarðvík á toppinn Trafford segist hundrað sinnum betri í dag Ákvörðunin að reka Horner að mestu vegna slaks árangurs „Erum að einblína á það sem er að gerast á vellinum“ Uppgjörið: Valur - FH 2-3 | Hafnfirðingar í úrslit í fyrsta sinn Þjálfarinn Wiegman stal senunni í fagnaðarlátum enska liðsins Katla mögulega á leið til Ítalíu Byrjaði ekki einn leik á EM en var samt valin í lið mótsins Í þrjátíu mánaða fangelsi fyrir að hrella Caitlin Clark FH konur ætla að skrifa söguna í kvöld KR missir sinn efnilegasta mann Liverpool nær í framherja frá félagi Beckham og Gary Neville Bað hennar í íþróttahúsinu þar sem allt byrjaði Mario fer ekki á EM – fimm dottnir úr hópi Íslands Eddie Howe segir að Newcastle hafi ekki enn fengið tilboð í Isak Byssumaðurinn ætlaði á skrifstofu NFL en tók vitlausa lyftu „Ég get ekki pissað eins og ég gerði áður“ Jóhannes skrifar undir hjá Kolding „Rosalega vitlaust á þessum tímapunkti í leiknum“ Trúnaðarbrestur og formaðurinn hættur Alisson flaug heim vegna persónulegra mála Ótrúlegur skákáhugi í Noregi en ná samt ekki íslensku prósentunni Ekroth skúrkurinn í Stúkunni: „Hann grípur um andlitið, hann veit af þessu“ Ekkert spilað í þrjú ár eftir ítrekuð læknamistök Ætlar að vera á íslensku á TikTok Sjáðu markið sem var stolið, rauða spjaldið og alla markaveislu Stjörnunnar Tólf ára sundkona hársbreidd frá verðlaunum á HM Ronaldo sagður hafa hótað að siga lögreglunni á börnin Stóð uppi sem hetja Englands þrátt fyrir áfall skömmu fyrir mót Rekinn fyrir að kyssa liðsfélaga sinn Sjá meira
Það verður lítið úr innanhússtímabilinu hjá besta tugþrautarkappa landsins, ÍR-ingnum Einari Daða Lárussyni. Hann ákvað að velja skynsemina frekar en möguleikann á því að komast á EM í Gautaborg. Frábært ár í fyrra gefur samt góð fyrirheit fyrir einn allra besta frjálsíþróttamann landsins í dag. „Hásinarmeiðsli eru slæm en þetta er ekki svo alvarlegt eins og er. Við nennum ekki að lenda í því að þetta verði eitthvað alvarlegt," segir Einar Daði um meiðslin en hann varð að sleppa því að taka boði á sterkt mót í Eistlandi. „Það hefði verið virkilega gaman að fara þangað og EM hefði getað orðið hrikalega skemmtilegt mót ef ég hefði komist inn. Þetta er bara svo lítið í stóru myndinni og maður lærir það eftir því sem maður verður eldri og reyndari í þessu að svekkja sig sem minnst á einhverju svona," segir Einar.Hefur spjallað við Jón Arnar Árið 2012 var frábært hjá Einari Daða sem náði sínum þremur bestu tugþrautum á ferlinum og sú besta, 7898 stig í Tékklandi í júní, er næstbesta tugþrautarafrek Íslendings frá upphafi á eftir Jóni Arnari Magnússyni, og kom honum inn á topp fimmtíu á heimslistanum og í fyrsta sæti yfir besta tugþrautarafrek Norðurlanda á síðasta ári. „Þetta lítur allt rosalega vel út," segir Einar Daði en hann æfði vel í haust. „Ég æfi bara frá degi til dags og sé síðan bara til hvað gerist," segir Einar Daði. Það er aðeins Jón Arnar sem hefur gert betur en Einar Daði í þraut meðal íslenskra tugþrautarmanna. Jón Arnar á þó enn sautján bestu þrautir Íslendings frá upphafi. „Ég hef aðeins spjallað við Jón Arnar. Maður verður að nýta sér allt það sem er í boði og ég reyni að tala við menn sem hafa reynslu í þessu. Fólk má ekki gleyma því að það er fullt af fólki hérna heima sem veit hrikalega mikið um þetta," segir Einar Daði. Þráinn Hafsteinsson er hans aðalþjálfari en fleiri koma líka að þjálfun hans. „Það er vesen að skipuleggja þetta og það eru ekki nógu margir dagar í vikunni fyrir þetta," segir Einar Daði léttur. Hann viðurkennir alveg að góður árangur hefur kallað á meiri áhuga á því sem hann er að gera. „Ég held að væntingarnar verði aldrei meiri en þær sem maður setur á sjálfan sig. Maður verður að reyna að setja sem minnsta pressu því ég held að það sé ekki gott að setja mikla pressu á sig," segir Einar Daði. „Ég ætla bara að gera það sem mér finnst gaman. Mér finnst sjúklega gaman að þessu á hverjum einasta degi. Það er nánast alltaf gaman í þessu. Vonandi getur maður með því að gera það sem manni finnst gaman smitað eitthvað út frá sér og gefið eitthvað af sér í leiðinni," segir Einar.Nóg til fyrir bætingu En hversu góður getur Einar Daði orðið? „Maður veit aldrei hvað gerist. Ég er þokkalega góður núna en gæti orðið miklu betri. Maður veit aldrei hvernig hlutirnir þróast. Það er nóg svigrúm til að bæta sig, alveg fullt, en maður veit aldrei," segir Einar Daði. Hann verður 23 ára gamall í maí og er langt á undan Jóni Arnari þegar litið er á aldurinn. Jón Arnar var ekki byrjaður að keppa í tugþraut á þessum aldri. Einar Daði vill þó ekki að menn einblíni á aldurinn. „Mér finnst svolítið með fólk oft að það segi að þessi sé svona gamall og hann á þetta í dag og þá á hann eftir að ná þessu þegar hann verður 25 eða 26 ára. Hlutirnir eru ekki svona einfaldir og það þarf svo margt að ganga upp til að skila fólki upp í efsta klassa. Það er nóg inni fyrir bætingu. Ég ætla bara að æfa og hafa gaman að því. Svo sé ég bara til hvað gerist," segir Einar. Einar Daði stimplaði sig inn á síðasta ári og á nú auðveldara með að komast inn á flott mót. „Það eru frekar stór tugþrautarmót í gangi í Evrópu. Ég ætla að fara og keppa á þeim og svo nær maður vonandi lágmörkum á þessi stærstu mót, HM, EM og Ólympíuleika. Það er frekar skemmtilegt líka að þeir úti í heimi vita nú hver ég er," segir Einar Daði.
Frjálsar íþróttir Mest lesið Ronaldo sagður hafa hótað að siga lögreglunni á börnin Fótbolti Ekkert spilað í þrjú ár eftir ítrekuð læknamistök Handbolti Rekinn fyrir að kyssa liðsfélaga sinn Sport „Ég get ekki pissað eins og ég gerði áður“ Sport Leik lokið: Valur - FH 2-3 | Hafnfirðingar í úrslit í fyrsta sinn Íslenski boltinn Trúnaðarbrestur og formaðurinn hættur Íslenski boltinn Þjálfarinn Wiegman stal senunni í fagnaðarlátum enska liðsins Fótbolti Stóð uppi sem hetja Englands þrátt fyrir áfall skömmu fyrir mót Fótbolti Mario fer ekki á EM – fimm dottnir úr hópi Íslands Körfubolti Byrjaði ekki einn leik á EM en var samt valin í lið mótsins Fótbolti Fleiri fréttir Njarðvík á toppinn Trafford segist hundrað sinnum betri í dag Ákvörðunin að reka Horner að mestu vegna slaks árangurs „Erum að einblína á það sem er að gerast á vellinum“ Uppgjörið: Valur - FH 2-3 | Hafnfirðingar í úrslit í fyrsta sinn Þjálfarinn Wiegman stal senunni í fagnaðarlátum enska liðsins Katla mögulega á leið til Ítalíu Byrjaði ekki einn leik á EM en var samt valin í lið mótsins Í þrjátíu mánaða fangelsi fyrir að hrella Caitlin Clark FH konur ætla að skrifa söguna í kvöld KR missir sinn efnilegasta mann Liverpool nær í framherja frá félagi Beckham og Gary Neville Bað hennar í íþróttahúsinu þar sem allt byrjaði Mario fer ekki á EM – fimm dottnir úr hópi Íslands Eddie Howe segir að Newcastle hafi ekki enn fengið tilboð í Isak Byssumaðurinn ætlaði á skrifstofu NFL en tók vitlausa lyftu „Ég get ekki pissað eins og ég gerði áður“ Jóhannes skrifar undir hjá Kolding „Rosalega vitlaust á þessum tímapunkti í leiknum“ Trúnaðarbrestur og formaðurinn hættur Alisson flaug heim vegna persónulegra mála Ótrúlegur skákáhugi í Noregi en ná samt ekki íslensku prósentunni Ekroth skúrkurinn í Stúkunni: „Hann grípur um andlitið, hann veit af þessu“ Ekkert spilað í þrjú ár eftir ítrekuð læknamistök Ætlar að vera á íslensku á TikTok Sjáðu markið sem var stolið, rauða spjaldið og alla markaveislu Stjörnunnar Tólf ára sundkona hársbreidd frá verðlaunum á HM Ronaldo sagður hafa hótað að siga lögreglunni á börnin Stóð uppi sem hetja Englands þrátt fyrir áfall skömmu fyrir mót Rekinn fyrir að kyssa liðsfélaga sinn Sjá meira