Aðkoma Þjóðkirkjunnar að heimsókn Franklins Graham ekki skref í rétta átt

Sóknarnefnd Laugarneskirkju  telur mikilvægt að Þjóðkirkjan standi við fyrri ályktanir varðandi stöðu samkynhneigðra og ástvina þeirra. Þetta kemur fram í tilkynningu sem kirkjan sendi frá sér nú síðdegis vegna fyrirhugaðrar heimsóknar prédikarans Franklins Graham á Hátíð vonar í september.

Heimsókninni hefur verið mótmælt, en Graham þessi hefur margsinnis talað opinberlega gegn samkynhneigð. Þá hefur fjöldi fólks pantað sér miða á samkomuna með það í huga að mæta ekki.

Sóknarnefndin, auk sóknarprestsins, álítur þátttöku Þjóðkirkjunnar í heimsókninni ekki skref í þá átt. Undir þetta ritar Aðalbjörg Stefanía Helgadóttir, formaður sóknarnefndar Laugarneskirkju, en ályktunin var samþykkt á fundi sóknarnefndar í gær.