Það er mikið stuð á setti kvikmyndarinnar Mania Days eins og sést á meðfylgjandi myndum. Leikkonan Katie Holmes leikur aðalhluverkið ásamt hinum kanadíska Luke Kirby.
Þau skemmtu sér konunglega við að taka upp senu við gosbrunn í Washington Square-garði í New York í vikunni og var ekki þurr þráður á þeim Katie og Luke.
Myndinni er leikstýrt af Paul Dalio en að sögn kunnugra er Paul frekar pirraður á setti því búið er að bjóða Katie út sjö sinnum síðan tökur hófust fyrir nokkrum vikum. Svo sem ekki skrýtið – gullfalleg kona á lausu eftir skilnaðinn við Tom Cruise í fyrra.
