Rósa Guðbjartsdóttir skipuð í stjórn Íbúðalánasjóðs

Eygló Harðardóttir, félags og húsnæðismálaráðherra hefur skipað Rósu Guðbjartsdóttur sem varaformann stjórnar Íbúðalánasjóðs. Hrund Hafsteinsdóttir, sem skipuð var sem varaformaður í síðustu viku, hefur beðist lausnar úr stjórn sjóðsins.

Rósa Guðbjartsdóttir er fædd 29. nóvember 1965. Hún er stúdent frá Flensborgarskóla og með BA í stjórnmálafræði frá Háskóla Íslands. Hún starfaði sem fréttamaður á Stöð 2 og Bylgjunni á árunum 1990-1999. Hún var framkvæmdastjóri Styrktarfélags krabbameinssjúkra barna 2001-2006.

Rósa hefur setið í bæjarstjórn og bæjarráði Hafnarfjarðar frá árinu 2006.