Paul McCartney dettur niður

Goðsögnin Paul McCartney féll úr fyrsta sæti breska vinsældarlistans um helgina. Nýjasta plata hans New, sem er hans sextánda sólóplata hefur fengið prýðisdóma en er komin í þriðja sætið á breska vinsældarlistanum.

McCartney sem er 71 árs gamalll, vann plötuna sína með fjórum mismunandi upptökustjórum og fer yfir víðan völl á plötunni.

Platan Tribute með breska söngvaranum John Newman er komin í fyrsta sæti listans og nýjasta plata Pearl Jam, Lightning Bolt situr í öðru sæti listans.

Á breska smáskífulistanum varð engin breyting en lagið Counting Stars með OneRepublic situr þar í efsta sætinu og situr Miley Cyrus í öðru sæti listans með lagið Wrecking Ball.