Aðalmeðferð í máli sérstaks saksóknara gegn Lýði Guðmundssyni og Bjarnfreði Ólafssyni verður í Héraðsdómi Reykjavíkur í dag.

Ákæran gegn þeim snýr að brotum gegn lögum um hlutafélög þegar einungis einn milljarður kr. var greiddur fyrir hlut í Existu sem var 50 milljarðar kr. að nafnvirði. 

Lýður Guðmundsson, fyrrverandi stjórnarformaður Exista, var ákærður fyrir brot á hlutafélagalögum með því að greiða einungis einn milljarð fyrir hlut í Existu sem var 50 milljarðar að nafnvirði.

Þá eru Lýður og Bjarnfreður Ólafsson lögmaður ákærðir fyrir að hafa vísvitandi skýrt rangt og villandi frá hækkun á hlutafé Exista þegar send var tilkynning til hlutafélagaskrár 8. desember 2008.

Fram kom í frétt á vísir.is í síðasta mánuði að tveir endurskoðendur hjá Deloitte segjast hafa lagst gegn hlutafjáraukningu Exista í lok árs 2008. Frá þessu greindu þeir í skýrslutöku hjá sérstökum saksóknara þegar málið var til rannsóknar.

Bæði Lýður og Bjarnfreður neita sök í málinu.