Myndin sem er að gera allt brjálað

Bandaríska slúðurblaðið Star birtir mynd af óléttri Kate Middleton í bikiníi á forsíðu nýjasta heftis blaðsins. Myndin var tekin af hertogynjunni er hún fór í frí með Vilhjálmi prins á eyjunni Mustique.

Á myndinni sést glitta í óléttubumbu Kate í fyrsta sinn. Það kemur á óvart að Star skuli fara þessa leið því breska konungsfjölskyldan var ævareið fyrir stuttu þegar myndin birtist í ítalska slúðurblaðinu Chi. Chi birti einnig 26 síðu úttekt á síðasta ári með myndum af Kate þar sem hún var ber að ofan sem vakti enga lukku í höllinni.

Þetta er líka mikið högg fyrir Mustique sem státar af því að vera staður þar sem paparassar þrífast ekki.

Þú gætir unnið - vertu með okkur á Facebook.