Með lungnabólgu

Verðlaunaleikkonan unga Jennifer Lawrence á ekki sjö dagana sæla um þessar mundir. Hún er nýhætt með kærasta sínum og er núna komin með lungnabólgu.

Jacki Weaver, sem leikur með Jennifer í kvikmyndinni Silver Linings Playbook, færði veikindafréttirnar á áströlsku kvikmynda- og sjónvarpsverðlaununum sem haldin voru í Los Angeles um helgina. Jacki tók við verðlaunum Jennifer fyrir hennar hönd fyrir bestan leik í aðalhlutverki.

"Ég ætla að taka við þessu fyrir hennar hönd. Greyið Jen er mjög veik. Hún er með lungnabólgu," sagði Jacki.

Lífið óskar henni að sjálfsögðu góðs bata.

Þú gætir unnið - vertu með okkur á Facebook.