Þór Þorlákshöfn vann Stjörnuna sannfærandi

Það urðu nokkuð óvænt tíðindi í leik Þórs frá Þorlákshöfn og Stjörnunnar en Þórsarar gerðu sér lítið fyrir og hreinlega slátruðu bikarmeisturum Stjörnunnar 95-76.

Liðið náði mest 32 stiga forskoti 47-15 í fyrri hálfleiknum en þær tölu með ólíkindum.

Michael Cook skoraði 24 stig fyrir heimamenn og var atkvæðamestur. Ragnar Nathanaelsson gerði 14 stig og tók 10 fráköst.

Nasir Robinson skoraði  21 stig fyrir Stjörnuna í leiknum og Justin Shouse 19 en liði hefur tapað fyrstu tveimur leikjum tímabilsins.

Keflvíkingar halda áfram sínum frábæra leik en liðið vann frábæran sigur á KFÍ, 95-67.

Guðmundur Jónsson skoraði 27 stig fyrir Keflavík og Michael Craion 16.