Meistarar Miami á siglingu

Meistarar Miami Heat voru í banastuði á heimavelli sínum í nótt er Atlanta kom í heimsókn. Öruggur sigur hjá Miami sem er búið að vinna átta af síðustu níu leikjum sínum. Þar af hefur liðið unnið síðustu fimm.

Miami var samt án Dwyane Wade en það kom ekki að sök þar sem fjórir leikmenn liðsins skoruðu yfir tíu stig í leiknum. Chris Bosh var stigahæstur með 19 stig.

Ray Allen skoraði 17 stig og Mario Chalmers 14. LeBron James lét sér nægja að skora 13 stig að þessu sinni.

"Breiddin er gríðarlega mikilvæg. Við verðum að þekkja okkar leik og láta boltann ganga. Okkur liði líður vel í okkar leik," sagði Erik Spoelstra, þjálfari Miami.

Úrslit:

Washington-Minnesota  104-100

Detroit-NY Knicks  92-86

Miami-Atlanta  104-88

Houston-Boston  109-85

Sacramento-Phoenix  107-104