Drengir Dags í toppformi

Strákarnir hans Dags Sigurðssonar í Füchse Berlin komust upp að hlið Kiel í dag er liðið vann fínan heimasigur, 27-23, á Wetzlar í þýska handboltanum í dag.

Berlin ávallt skrefi á undan og sigurinn sanngjarn. Berlin er þar með búið að næla í 24 stig í deildinni sem er sami stigafjöldi og Kiel er með. Flensburg á toppnum með 25 stig.

Pavel Horak fór mikinn í liði Berlin og skoraði sjö mörk. Mattias Zachrisson skoraði fimm mörk og þeir Iker Romero og Konstantin Igropulo skoruðu báðir fjögur mörk.