Innlent

Starfsmenn RÚV í áfalli

Jakob Bjarnar skrifar
Gunnar Magnússon er á því að það hafi andað köldu til starfsmanna RÚV að undanförnu.
Gunnar Magnússon er á því að það hafi andað köldu til starfsmanna RÚV að undanförnu. Skjáskot af vef Ríkisútvarpsins
Gunnar Magnússon, Formaður félags starfsmannasamtaka RÚV, segir starfsmenn í sjokki. Átakafundur var með starfsmönnum og útvarpsstjóra.

„Ég segi nú bara allt djöfullegt. Eins og allir RÚV-arar,“ segir Gunnar í samtali við Vísi. Honum vefst tunga um tönn spurður um fundinn; starfsmenn hafi fengið svör við því sem þeir spurðu um en þetta hafi verið sérkennilegur fundur. Og spurður hvort hann væri ánægður með fundinn segir Gunnar: „No comment!“

Í brýnu sló milli Páls Magnússonar útvarpsstjóra og Helga Seljans sjónvarpsmanns á fundinum og ekki síður eftir fund, fyrir framan lyftuna í útvarpshúsinu. Vísir hefur greint frá þeirri rimmu og hefur hún vakið mikla athygli.

Það liggur því fyrir að það er urgur í starfsmönnum. „Menn eru bara í sjokki eins og gefur að skilja.“ Gunnar segir vel geta farið svo að starfsmenn grípi til einhverra aðgerð en ekkert slíkt liggur fyrir.  „Við skulum aðeins láta þetta sjatna og sjá hvað gerist. Menn eru í áfalli enda ömurlegt að missa alla þessa fínu félaga og samstarfsmenn til margra ára. Hræðilegt. En það er svona þegar verið er að skera okkur niður ár eftir ár. Það er náttúrlega við ríkisstjórnina að sakast, fyrrverandi og ekki síður núverandi.“

Gunnar er ánægður með stuðningsfundinn sem haldinn var fyrir utan útvarpshúsið í morgun. „Það hefur ekki mikið borið á vinum okkar á ritvellinum. En þeir eru komnir fram. Virðist vera mikið af þeim núna og ekki veitir af.“ Þegar Gunnar er spurður hvort honum, og starfsmönnum hefur fundist anda köldu til þeirra hlær Gunnar við og segir: „Anda köldu? Jú, þú þarft ekki annað en lesa Fréttablaðið. Og DV og ég tala nú ekki um Morgunblaðið. Svona er náttúrlega pólitíkin. Með ólíkindum að ríkisútvarpið sé svona mikið milli tannanna á fólki. Ef litið er til Norðurlanda, eða hvert sem er, þá er umræðan ekki svona þar.“


Tengdar fréttir

Sálfræðiþjónusta fyrir starfsmenn RÚV

Hallgrímur Indriðason, formaður Félags fréttamanna, segir að andrúmsloftið á RÚV sé lamað eftir að tilkynnt var um uppsagnirnar í morgun.

Engar næturfréttir á RÚV

Fjöldauppsagna á Ríkisútvarpinu í gær, þegar 39 starfsmönnum var sagt upp, varð strax vart í dagskrá RÚV í nótt, þar sem engar næturfréttir voru í nótt, en þær hafa um árabil verið á klukkustundar fresti.

„RÚV á ekki að vera allt fyrir alla alltaf“

Illugi Gunnarsson menntamálaráðherra segir að það hafi staðið til í nokkrun tíma að starfsfólki yrði sagt upp á RÚV. Hann vill nota fjármagn sem átti að fara til RÚV í háskólana hér á landi.

Spila Sjostakovich í mótmælaskyni

Gríðarlegur hiti er vegna uppsagnanna á RÚV og má meðal annars greina hann í athugasemdum við undirskriftasöfnun þar sem uppsögnunum er mótmælt.

Fulltrúar minnihlutans óska eftir fundi með stjórn RÚV

Fulltrúar minnihlutans óskuðu á fundi allsherjar- og menntamálanefndar nú í morgun eftir því að fá stjórn RÚV fá fund nefndarinnar til að fara yfir þær aðgerðir sem boðaðar hafa verið í stofnuninni og þá stöðu sem af þeim leiðir.

Mörg þúsund mótmæla uppsögnum á RÚV

1.300 manns hafa boðað komu sína á mótmæli vegna niðurskurðar og uppsagna. Þá hafa rúmlega 8.000 skrifað undir áskorun til menntamálaráðherra um að afturkalla uppsagnirnar.

„Það er áfall að fá þessar fréttir“

"Ég veit að þessi blóðtaka RÚV núna mun bitna mjög mikið á stofnuninni og framtíð hennar,“ segir Jóhannes Kr. Kristjánsson, sjónvarpsmaður í Kastljósinu, sem var í dag sagt upp störfum á Ríkissjónvarpinu.

Starfsmönnum fækkað um 60 hjá RÚV - 39 sagt upp í dag

Ríkisútvarpið ætlar að skera niður um fimmhundruð milljónir króna og fækka starfsmönnum um sextíu. Þrjátíu og níu uppsagnir koma nú þegar til framkvæmda. Þetta kemur fram í tilkynningu frá stofnuninni.

Fjöldi mótmælti við útvarpshúsið

Fjöldi fólks mótmælti fyrir utan útvarpshúsið við Efstaleiti í dag, en mótmælin voru undir yfirskriftinni Stöndum með Ríkisútvarpinu.

Páll fundar með starfsfólki

Páll Magnússon, útvarpsstjórri, ætlar að funda með starfsfólki Ríkisútvarpsins á Markúsartorgi í Efstaleiti klukkan ellefu.

Mest lesið


Fleiri fréttir

Sjá meira


×

Mest lesið