Rúnar hættur hjá Ljónuum - klárar tímabilið hjá Hannover-Burgdorf

Íslenski landsliðsmaðurinn Rúnar Kárason hefur spilað sinn síðasta leik með þýska liðinu

Rhein-Neckar Löwen en á heimsíðu félagsins kemur fram að leikmaðurinn þurfi meiri spilatíma og sé því búinn að skipta yfir í TSV Hannover-Burgdorf.

Rúnar kom til Rhein-Neckar Löwen fyrir tímabilið og var ætlað að fylla skarð landa síns Alexanders Peterssonar á meðan Alexander var að ná sér eftir axlaraðgerð. Hann er 25 ára gamall og lék áður með  Füchse Berlin, Bergischer HC og Großwallstadt.

Rúnar skoraði 17 mörk í 8 leikjum með Ljónunum í þýsku deildinni og 5 mörk í 4 leikjum í Meistaradeildinni.

Rúnar ætlar sér að tryggja sér sæti í íslenska landsliðshópnum á EM í Danmörku og vill fá að spila meira. Hannover-Burgdorf hefur misst menn í meiðsli og þarf svo sannarlega á liðsstyrk að halda.

„Rúnar vissi alltaf að Alexander var að koma til baka og við gerðum honum grein fyrir því hver staða hans væri. Ég vil þakka Rúnari fyrir hönd félagsins fyrir hans skuldbindinu og hollustu við okkar félag," sagði Thorsten Storm, framkvæmdastjóri  Rhein-Neckar Löwen í frétt á heimasíðu Ljónanna.