FA vill fyrirtæki frá bönkunum fyrr

Félag atvinnurekenda vill að stjórnvöld styttir frest sem bankar hafi til að selja fyrirtæki í óskyldum rekstri. Frá þessu er sagt í Viðskiptablaðinu í dag. FA sendi bréf til efnahags- og viðskiptanefndar Alþingis í gær þar sem skorað er á stjórnvöld að bregðast við eignarhaldi fjármálafyrirtækja á fyrirtækjum í óskyldum rekstri. Að Fjármálaeftirlitið birti betri tölfræði og oftar og taki sérstaklega tillit til samkeppnissjónarmiða þegar ákvarðanir eru teknar varðandi fyrirtæki í samkeppni.

Einnig vill FA að lagaumhverfi fjármálafyrirtækja veðri breytt svo að tímamörk eignarhalds verði sex mánuðir í stað tólf. Einnig að sé sótt um aukin frest þurfi að birta nafn þess fyrirtækis sem fresturinn tekur til og eignarhluta fjármálafyrirtækisins í því.

Í Viðskiptablaðinu segir að forsögu málsins megi rekja til bréfaskipta FA og FME. Þar hafi komið fram í svari FME að tugir fyrirtækja hafi verið í eigu banka í meira en tvö ár samkvæmt sérstökum undanþágum. Einnig hafi einungis 4 af 72 fyrirtækjum í óskyldum rekstri í eigu bankanna hafi verið í þeirra eigu í minna en tólf mánuði.

Samkvæmt lagabreytingum frá 2010 birtir FME ekki upplýsingar um hve langir frestirnir séu svo fjárfestar bíði ekki eftir síðasta söludegi eignar til að fá hana á sem lægstu verði. FA segir þau rök ekki eiga við lengur, þremur árum eftir breytinguna. Einnig kemur fram að áhyggjur FA hvað varðar eignarhald slitastjórna fyrirtækja á fyrirtækjum eigi rétt á sér. Það að FME hafi ekki eftirlit með eignarhaldi slitastjórna á fyrirtækjum geti augljóslega valdið ósanngirni í samkeppni.