Nets hengir treyju þjálfarans upp í rjáfur

Brooklyn Nets hefur ákveðið að hengja treyju Jason Kidd upp í rjáfur. Það verður því ekki aftur leikið í treyju númer fimm hjá félaginu.

Kidd leiddi Nets, sem var þá frá New Jersey, til síns besta árangurs en liðið fór í úrslit deildarinnar árin 2002 og 2003.

Kidd verður sjötti leikmaðurinn í sögu félagsins sem fær sína treyju upp í rjáfur. Hinir eru Julius Erving, Drazen Petrovic, John Williamson, Bill Melchionni og Buck Williams.

Athöfnin fer fram þann 17. október næstkomandi. Kidd er núverandi þjálfari liðsins.