Bradley Manning í kynleiðréttingu

Bradley Manning, hermaðurinn sem í gær var dæmdur í þrjátíu og fimm ára fangelsi fyrir að leka skjölum til Wikileaks, er á leið í kynleiðréttingu. Hann hefur óskað eftir því að hefja hormónameðferð eins fljótt og auðið er og héðan í frá vill hann láta kalla sig Chelsea Manning.

Þetta kom fram í yfirlýsingu frá Manning sem lesin var upp í morgunþætti NBC fréttastofunnar, Today.

Manning segist hafa áttað sig á því snemma í æsku að hann væri kona föst í líkama karlmanns og óskar hann eftir stuðningi almennings við þessa ákvörðun sína og það ferli sem nú er að hefjast.