Umfjöllun, viðtöl og einkunnir: Víkingur Ó. - Breiðablik 0-0 Kristinn Páll Teitsson skrifar 25. ágúst 2013 12:51 Þrátt fyrir aragrúa af færum náðu Blikar ekki að skora þegar þeir mættu til Ólafsvíkur. Blikar sóttu þungt fyrstu 30 mínútur leiksins en náðu ekki að nýta sér yfirburði sína. Þrátt fyrir að Breiðablik eigi tvo leiki inni skildu sextán stig liðin að fyrir leikinn. Blikar sem gerðu jafntefli í síðustu umferð þurftu á sigri að halda til að halda í við toppliðin. Heimamenn höfðu verið að sanka að sér stigum undanfarið, eitt tap í síðustu átta leikjum en hinsvegar höfðu aðeins komið tveir sigrar. Blikar mættu mun ákafari til leiks og féllu öll færi fyrri hálfleiksins í þeirra skaut. Þar af fékk hægri bakvörðurinn, Þórður Steinar Hreiðarsson tvö bestu færin en setti annað í slánna og var hitt varið á línu af varnarmanni heimamanna. Þegar leið á hálfleikinn náðu heimamenn betri tökum á leiknum og var jafnræði með liðunum seinustu mínútur fyrri hálfleiks en hvorugu liðinu tókst þó að skora. Jafnræði var með liðunum í seinni hálfleik, Víkingar byrjuðu að spila boltanum betur á milli sín en náðu ekki að skapa sér nein marktæk færi. Blikar áttu í meiri erfiðleikum heldur en í fyrri hálfleik en náðu þó að skapa sér nokkur færi en Einar stóð vakt sína glæsilega í markinu. Leiknum lauk með markalausu jafntefli og geta Víkingar verið sáttari með stigið eftir að hafa naumlega hangið inn í leiknum um tíma í fyrri hálfleik. Víkingar taka stigið úr leiknum og hafa nú aðeins tapað einum leik frá tapi þeirra gegn KR 23. Júní. Þeir hafa hinsvegar aðeins uppskorið 9 stig úr þessum leikjum og mjakast því hægt upp stigatöfluna. Blikar hljóta að fara vonsviknari heim en þeir fengu næg færi til að taka stigin þrjú heim. Eftir tvö jafntefli í röð hafa Blikar hellst örlítið úr lestinni í baráttuni um Íslandsmeistaratitilinn en það eru enn 7 umferðir eftir og nóg af stigum í pottinum. Ólafur: Vorum ekki nægilega skarpir„Ég er að mörgu leyti ánægður með spilamennsku liðsins en ég er ekki ánægður með hvernig við erum í kringum teig andstæðingsins í þessum leik,“ sagði Ólafur Kristjánsson, þjálfari Breiðabliks eftir leikinn. „Sóknarleikurinn var ekki nógu beittur, við fáum bæði færi og möguleikann á að skapa færi en nýtum það ekki nægilega vel. Þessvegna förum við aðeins með eitt stig héðan í dag,“ Blikar sóttu stíft fyrstu mínútur leiksins og var ótrúlegt að staðan væri enn 0-0 eftir hálftíma. Tvö bestu færin fékk Þórður Steinar, hægri bakvörður Blika. „Einbeiting og skerpa í teignum á þeim tíma var ekki nóg. Þórður er maður sem þorir að heyra að hann hefði átt að gera betur í fyrra færinu. Í seinna færinu ná varnarmenn að kasta sér fyrir og bjarga undir lokin. Við fengum færin en við vorum ekki nógu skarpir,“ Gunnleifur Gunnleifsson, markmaður Blika átti náðugan fyrri hálfleik, aðeins eitt skot rataði á markið. „Ég er sáttur með varnarleik liðsins, sáttur hvernig við spilum boltanum úr pressu og sköpum möguleika en þegar við fáum færin er eitthvað sem er að klikka. Menn eru að hugsa of mikið í stað þess að treysta eðlishvötinni,“ sagði Ólafur. Ejub: Spiluðum djarft„Maður er auðvitað sáttur með stig gegn jafn vel spilandi lið eins og Breiðablik sem er mjög gott á íslenskan mælikvarða,“ sagði Ejub, þjálfari Víkings Ó. eftir leikinn. „Við erum heppnir að lenda ekki undir í fyrri hálfleik en við spilum miklu betur í seinni hálfleik. Það var allt annað að horfa á seinni hálfleik og með smá heppni hefðum við getað stolið sigrinum þótt Blikar voru alltaf líklegri,“ „Bæði liðin vildu vinna og það sást greinilega í seinni hálfleik, liðin sóttu milli teiganna nánast stanslaust síðustu tuttugu mínútur leiksins,“ Þetta var enn eitt jafntefli hjá Víkingum sem hafa verið að safna jafnteflum upp á síðkastið. „Við verðum að fá þrjú stig, við vildum fá það í dag. Við vissum að þetta yrði erfitt en við þurfum að fara að vinna leiki. Við reyndum okkar besta og spiluðum djarft með 3-5-2 leikkerfið með tvo upp á topp gegn svona sterku liði. Við náðum ekki sigrinum í dag en vonandi kemur það í næsta leik,“ sagði Ejub. Finnur: Ætluðum okkur þrjú stig„Við fengum eitt stig hérna, við ætluðum okkur þrjú en við tökum þetta þótt við séum ekki alveg sáttir,“ sagði Finnur Orri Margeirsson, fyrirliði Breiðabliks eftir leikinn. „Það var lagt upp með að byrja leikinn af krafti og fylgja því síðan eftir. Við fengum færi í upphafi leiks sem við hefðum átt að nýta og með því opna leikinn en þau fóru forgörðum,“ Þrátt fyrir stórsókn Blika í upphafi náðu gestirnir ekki að skora mark. „Það kom kafli þar sem við herjuðum hressilega á þá en þeir vörðust vel. Bæði hentu þér sér fyrir boltann og svo varði markmaðurinn vel. Ég hafði fulla trú á því að við myndum ná að setja eitt í leiknum.“ „Við höfðum undirtökin allan leikinn, við vörðumst vel og lokuðum vel á þeirra skyndisóknir. Þeir voru með hættulegar skyndisóknir en þegar þurfti þá vorum við mættir og stöðvuðum það,“ sagði Finnur. Pepsi Max-deild karla Mest lesið Íhuga að reka Xavi sem hætti við að hætta Fótbolti Schauffele heldur forystunni en Tiger langt frá niðurskurðinum Golf Rekinn tveimur dögum eftir bikarmeistaratitilinn Fótbolti Snorri Barón um Söru: „Ógeð sem enginn á að þurfa að ganga í gegnum“ Sport Valsmenn síðastir inn í átta liða úrslit Fótbolti Klopp myndi kjósa með afnámi VAR Fótbolti Vill komast hjá því að afhenda City bikarinn Enski boltinn Kristinn: Varnarleikur, varnarleikur og varnarleikur Körfubolti Jóhann: Brotnuðum auðveldlega Körfubolti Efsti maður heimslistans tók upphitunina í fangaklefanum Golf Fleiri fréttir Bikarmeistarar Víkings í næstu umferð ásamt Keflavík og Fylki Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Margrét Lára: Mér finnst hún hafa verið stórkostleg „Sá að þeim leið aldrei illa“ Uppgjörið og viðtöl: Fylkir - Breiðablik 0-2 | Blikar enn með fullt hús Uppgjörið: Þróttur - Víkingur 0-1 | Þróttarar enn án sigurs Illa orðað samningsákvæði varð KA að falli Albert gáttaður á Lárusi Orra: „Hvað meinarðu? Hvað er í gangi hérna?“ „Þegar við skorum að þá er gaman“ „Þetta var eins og handboltaleikur“ „Fórum af bensíngjöfinni í staðin fyrir að gefa í” Uppgjör og viðtöl: Stjarnan - FH 4-3 | Markasúpa í Garðabænum Uppgjör og viðtöl: Þór/KA - Keflavík 4-0 | Heimakonur ekki í vandræðum Uppgjör, viðtöl og myndir: Valur - Tindastóll 3-1 | Meistararnir lentu undir en komu til baka KA dæmt til að greiða Arnari tæpar ellefu milljónir Heiðruðu mömmur leikmanna á sérstakan hátt „Ef KR-ingar vita að Óskar sé til í að koma, skiptir einhverju máli hvað Gregg gerir?“ „Búinn að vera tilfinningarússibani“ „Til skammar að koma úr atvinnumennsku eins og hann er að koma“ Sjáðu rauðu spjöld KR-inga, mark beint úr horni og öll hin mörkin í gær „Það er eitt að vera góður og annað að fá eitthvað fyrir það“ Uppgjörið og viðtöl: Víkingur R. - FH 2-0 | FH fatast flugið en Víkingur aftur á beinu brautinni Uppgjör: Fylkir - Breiðablik 0-3 | Öruggur sigur Blika á lánlausum Fylkismönnum Uppgjör: KR-HK 1-2 | Frækinn sigur HK á Meistaravöllum Meiðslavandræði Vestra virðast engan enda ætla að taka Patrick til bjargar eftir klúður Gylfa og klaufamörk á Akranesi Uppgjörið: Valur - KA 3-1 | Vítaklúður Gylfa kom ekki að sök Uppgjörið: ÍA - Vestri 3-0 | Öruggt hjá ÍA í slag nýliðanna Sjáðu frábært spil skila tveimur mörkum í Garðabæ „Við erum helvíti seigir“ Sjá meira
Þrátt fyrir aragrúa af færum náðu Blikar ekki að skora þegar þeir mættu til Ólafsvíkur. Blikar sóttu þungt fyrstu 30 mínútur leiksins en náðu ekki að nýta sér yfirburði sína. Þrátt fyrir að Breiðablik eigi tvo leiki inni skildu sextán stig liðin að fyrir leikinn. Blikar sem gerðu jafntefli í síðustu umferð þurftu á sigri að halda til að halda í við toppliðin. Heimamenn höfðu verið að sanka að sér stigum undanfarið, eitt tap í síðustu átta leikjum en hinsvegar höfðu aðeins komið tveir sigrar. Blikar mættu mun ákafari til leiks og féllu öll færi fyrri hálfleiksins í þeirra skaut. Þar af fékk hægri bakvörðurinn, Þórður Steinar Hreiðarsson tvö bestu færin en setti annað í slánna og var hitt varið á línu af varnarmanni heimamanna. Þegar leið á hálfleikinn náðu heimamenn betri tökum á leiknum og var jafnræði með liðunum seinustu mínútur fyrri hálfleiks en hvorugu liðinu tókst þó að skora. Jafnræði var með liðunum í seinni hálfleik, Víkingar byrjuðu að spila boltanum betur á milli sín en náðu ekki að skapa sér nein marktæk færi. Blikar áttu í meiri erfiðleikum heldur en í fyrri hálfleik en náðu þó að skapa sér nokkur færi en Einar stóð vakt sína glæsilega í markinu. Leiknum lauk með markalausu jafntefli og geta Víkingar verið sáttari með stigið eftir að hafa naumlega hangið inn í leiknum um tíma í fyrri hálfleik. Víkingar taka stigið úr leiknum og hafa nú aðeins tapað einum leik frá tapi þeirra gegn KR 23. Júní. Þeir hafa hinsvegar aðeins uppskorið 9 stig úr þessum leikjum og mjakast því hægt upp stigatöfluna. Blikar hljóta að fara vonsviknari heim en þeir fengu næg færi til að taka stigin þrjú heim. Eftir tvö jafntefli í röð hafa Blikar hellst örlítið úr lestinni í baráttuni um Íslandsmeistaratitilinn en það eru enn 7 umferðir eftir og nóg af stigum í pottinum. Ólafur: Vorum ekki nægilega skarpir„Ég er að mörgu leyti ánægður með spilamennsku liðsins en ég er ekki ánægður með hvernig við erum í kringum teig andstæðingsins í þessum leik,“ sagði Ólafur Kristjánsson, þjálfari Breiðabliks eftir leikinn. „Sóknarleikurinn var ekki nógu beittur, við fáum bæði færi og möguleikann á að skapa færi en nýtum það ekki nægilega vel. Þessvegna förum við aðeins með eitt stig héðan í dag,“ Blikar sóttu stíft fyrstu mínútur leiksins og var ótrúlegt að staðan væri enn 0-0 eftir hálftíma. Tvö bestu færin fékk Þórður Steinar, hægri bakvörður Blika. „Einbeiting og skerpa í teignum á þeim tíma var ekki nóg. Þórður er maður sem þorir að heyra að hann hefði átt að gera betur í fyrra færinu. Í seinna færinu ná varnarmenn að kasta sér fyrir og bjarga undir lokin. Við fengum færin en við vorum ekki nógu skarpir,“ Gunnleifur Gunnleifsson, markmaður Blika átti náðugan fyrri hálfleik, aðeins eitt skot rataði á markið. „Ég er sáttur með varnarleik liðsins, sáttur hvernig við spilum boltanum úr pressu og sköpum möguleika en þegar við fáum færin er eitthvað sem er að klikka. Menn eru að hugsa of mikið í stað þess að treysta eðlishvötinni,“ sagði Ólafur. Ejub: Spiluðum djarft„Maður er auðvitað sáttur með stig gegn jafn vel spilandi lið eins og Breiðablik sem er mjög gott á íslenskan mælikvarða,“ sagði Ejub, þjálfari Víkings Ó. eftir leikinn. „Við erum heppnir að lenda ekki undir í fyrri hálfleik en við spilum miklu betur í seinni hálfleik. Það var allt annað að horfa á seinni hálfleik og með smá heppni hefðum við getað stolið sigrinum þótt Blikar voru alltaf líklegri,“ „Bæði liðin vildu vinna og það sást greinilega í seinni hálfleik, liðin sóttu milli teiganna nánast stanslaust síðustu tuttugu mínútur leiksins,“ Þetta var enn eitt jafntefli hjá Víkingum sem hafa verið að safna jafnteflum upp á síðkastið. „Við verðum að fá þrjú stig, við vildum fá það í dag. Við vissum að þetta yrði erfitt en við þurfum að fara að vinna leiki. Við reyndum okkar besta og spiluðum djarft með 3-5-2 leikkerfið með tvo upp á topp gegn svona sterku liði. Við náðum ekki sigrinum í dag en vonandi kemur það í næsta leik,“ sagði Ejub. Finnur: Ætluðum okkur þrjú stig„Við fengum eitt stig hérna, við ætluðum okkur þrjú en við tökum þetta þótt við séum ekki alveg sáttir,“ sagði Finnur Orri Margeirsson, fyrirliði Breiðabliks eftir leikinn. „Það var lagt upp með að byrja leikinn af krafti og fylgja því síðan eftir. Við fengum færi í upphafi leiks sem við hefðum átt að nýta og með því opna leikinn en þau fóru forgörðum,“ Þrátt fyrir stórsókn Blika í upphafi náðu gestirnir ekki að skora mark. „Það kom kafli þar sem við herjuðum hressilega á þá en þeir vörðust vel. Bæði hentu þér sér fyrir boltann og svo varði markmaðurinn vel. Ég hafði fulla trú á því að við myndum ná að setja eitt í leiknum.“ „Við höfðum undirtökin allan leikinn, við vörðumst vel og lokuðum vel á þeirra skyndisóknir. Þeir voru með hættulegar skyndisóknir en þegar þurfti þá vorum við mættir og stöðvuðum það,“ sagði Finnur.
Pepsi Max-deild karla Mest lesið Íhuga að reka Xavi sem hætti við að hætta Fótbolti Schauffele heldur forystunni en Tiger langt frá niðurskurðinum Golf Rekinn tveimur dögum eftir bikarmeistaratitilinn Fótbolti Snorri Barón um Söru: „Ógeð sem enginn á að þurfa að ganga í gegnum“ Sport Valsmenn síðastir inn í átta liða úrslit Fótbolti Klopp myndi kjósa með afnámi VAR Fótbolti Vill komast hjá því að afhenda City bikarinn Enski boltinn Kristinn: Varnarleikur, varnarleikur og varnarleikur Körfubolti Jóhann: Brotnuðum auðveldlega Körfubolti Efsti maður heimslistans tók upphitunina í fangaklefanum Golf Fleiri fréttir Bikarmeistarar Víkings í næstu umferð ásamt Keflavík og Fylki Uppgjör: Stjarnan - KR 5-3 | Endurkoma KR-inga hófst of seint gegn Stjörnunni Margrét Lára: Mér finnst hún hafa verið stórkostleg „Sá að þeim leið aldrei illa“ Uppgjörið og viðtöl: Fylkir - Breiðablik 0-2 | Blikar enn með fullt hús Uppgjörið: Þróttur - Víkingur 0-1 | Þróttarar enn án sigurs Illa orðað samningsákvæði varð KA að falli Albert gáttaður á Lárusi Orra: „Hvað meinarðu? Hvað er í gangi hérna?“ „Þegar við skorum að þá er gaman“ „Þetta var eins og handboltaleikur“ „Fórum af bensíngjöfinni í staðin fyrir að gefa í” Uppgjör og viðtöl: Stjarnan - FH 4-3 | Markasúpa í Garðabænum Uppgjör og viðtöl: Þór/KA - Keflavík 4-0 | Heimakonur ekki í vandræðum Uppgjör, viðtöl og myndir: Valur - Tindastóll 3-1 | Meistararnir lentu undir en komu til baka KA dæmt til að greiða Arnari tæpar ellefu milljónir Heiðruðu mömmur leikmanna á sérstakan hátt „Ef KR-ingar vita að Óskar sé til í að koma, skiptir einhverju máli hvað Gregg gerir?“ „Búinn að vera tilfinningarússibani“ „Til skammar að koma úr atvinnumennsku eins og hann er að koma“ Sjáðu rauðu spjöld KR-inga, mark beint úr horni og öll hin mörkin í gær „Það er eitt að vera góður og annað að fá eitthvað fyrir það“ Uppgjörið og viðtöl: Víkingur R. - FH 2-0 | FH fatast flugið en Víkingur aftur á beinu brautinni Uppgjör: Fylkir - Breiðablik 0-3 | Öruggur sigur Blika á lánlausum Fylkismönnum Uppgjör: KR-HK 1-2 | Frækinn sigur HK á Meistaravöllum Meiðslavandræði Vestra virðast engan enda ætla að taka Patrick til bjargar eftir klúður Gylfa og klaufamörk á Akranesi Uppgjörið: Valur - KA 3-1 | Vítaklúður Gylfa kom ekki að sök Uppgjörið: ÍA - Vestri 3-0 | Öruggt hjá ÍA í slag nýliðanna Sjáðu frábært spil skila tveimur mörkum í Garðabæ „Við erum helvíti seigir“ Sjá meira