Skipulagði óvænta afmælisveislu fyrir andlátið

Glee-stjarnan Cory Monteith fannst látinn á hótelherbergi sínu í Vancouver þann 13. júlí en hann lést úr of stórum skammti. Kærasta hans, Glee-stjarnan Lea Michele, syrgir Cory en hann var að skipuleggja óvæntan afmælisfagnað fyrir hana rétt áður en hann lést.

“Hún vissi ekki hvað en hún hélt að þetta yrði veisla eða ferðalag,” segir vinur Leu í samtali við tímaritið Us Weekly. Þá var parið með ýmislegt á framtíðarprjónunum.

“Lea og Cory ætluðu að flytja inn saman þegar hann kæmi aftur frá Vancouver. Þau höfðu ekki talað saman um trúlofun eða hjónaband en það stefndi allt í það,” segir annar vinur í samtali við tímaritið.

Dragðu Tarotspil dagsins hér.