Tók of stóran skammt af heróíni

Cory Monteith, sem er hvað þekktastur fyrir leik sinn í þáttunum Glee, lést eftir að hafa tekið of mikið af heróíni og drukkið áfengi í óhóflegu magni.

Þetta er niðurstaða úr krufningu sem greint var frá í dag. Á fréttavef breska ríkisútvarpsins er haft eftir dánardómstjóranum að ekkert annað bendi til þess en að dauði hans hafi verið hræðilegt slys.

Leikarinn fannst látinn á hótelherbergi sínu á laugardaginn, hann var þrjátíu og eins árs.

Hann hafði glímt við áfengis- og eiturlyfjavanda síðustu ár, og fór í meðferð í apríl síðastliðnum.