Pitt líkir Gandolfini við Marlon Brando

Brad Pitt minnist James Gandolfini sem ljúfmennis og hæfileikaríks leikara. Pitt og Gandolfini léku saman í kvikmyndunum True Romance, The Mexican og Killing Them Softly.

„Jimmy var hæfileikaríkur leikari, góð sál og sannlega fyndinn maður. Ég tel mig lánsaman að hafa kynnst honum og er miður mín vegna fráfalls hans,“ sagði Pitt í viðtali við Deadline.

Í öðru viðtali líkti Pitt Gandolfini við stórleikarann Marlon Brando. „Hann var á par við Brando. En það sem meira er, hann var líka blíð og góð sál.“

Gandolfini lést af völdum hjartaáfalls þann 19. júní síðastliðinn. Hann var þá staddur í fríi í Róm á Ítalíu.