Rómantísk helgi Lindu Pé í London

Allt bendir til að Linda Pétursdóttir framkvæmdastjóri Baðhússins og stjórnmálafræðingurinn Glúmur Baldvinsson séu að hittast. Undanfarnar vikur hafa þau sést saman samkvæmt vefritinu Dv.is en þar kemur fram að parið eyddi saman rómantískri helgi í Lundúnum á dögunum.

Spurð hvar henni líður best í forsíðuviðtali Lífsins á dögunum svaraði Linda: „Mér líður best heima hjá mér í rólegheitunum og á kósíkvöldum okkar mæðgna en auðvitað finnst mér líka gaman að hitta vini mína og borða góðan mat. Það á líka mjög vel við mig að vera úti í heimi, ferðast og njóta lífsins lystisemda enda vön því og mér finnst það afar huggulegt!"