Sömdu um eignarhald og rekstur á ljósleiðara

Míla og utanríkisráðuneytið hafa undirritað samning um eignarhald og rekstur á ljósleiðara sem liggur umhverfis landið, en ljósleiðarinn var lagður á vegum Atlantshafsbandalagsins.

Í tilkynningu segir að í samningnum er skýrt kveðið á um eignarhald á þeim átta þráðum sem eru í ljósleiðaranum og réttindi og skyldur sem þeim fylgja. Míla fer með eignarhald á fimm þessara þráða en utanríkisráðuneytið hefur umsjá með þremur fyrir hönd Atlantshafsbandalagsins.

Einnig er samið við Mílu um áframhaldandi þjónustu við umrædda þrjá þræði í umsjá ríkisins. Innifalið í þeim samningi er almennt viðhald og þjónusta við þræðina, auk rekstur á búnaði sem þjónustar loftvarnarkerfi Íslands. Um er að ræða endurnýjun á fyrri samningi.

“Það er ánægjulegt að samningar liggi nú fyrir og boði áframhaldandi gott samstarf. Míla byggir rekstur sinn á ljósleiðaraþráðunum og um þá fara meginhluti fjarskipta á Íslandi,” segir Páll Árni Jónsson framkvæmdastjóri Mílu í tilkynningunni.