Sara Rún Hinriksdóttir, sextán ára stelpa úr Keflavík, fékk flest atkvæði í netkosningu um byrjunarliðin í Stjörnuleik kvenna í körfubolta sem fram fer í Keflavík miðvikudaginn 30. janúar næstkomandi.

Sara Rún er fædd í ágúst árið 1996 en hún er að spila sitt annað tímabil með Keflavíkurliðinu. Sara Rún var með 8,7 stig og 3,8 fráköst að meðaltali á Íslandsmótinu í fyrravetur en er með 15,5 stig og 9,1 frákast að meðaltali í vetur.

Sara Rún mun leika í liði „Landsbyggðarinnar" en Britney Jones, bandarískur bakvörður í liði Fjölnis var svo með flest atkvæði í liði „Höfuðborgarsvæðisins".

Sigurður Ingimundarson mun þjálfa lið Landsbyggðarinnar þar sem Keflavík var á toppnum um áramótin og Finnur Stefánsson, KR, var efsti þjálfari höfuðborgarsvæðisins. Þeir félagar munu svo velja sjö leikmenn til viðbótar þeim fimm sem byrja leikinn.

Byrjunarliðin líta þannig út:

Lið höfuðborgarsvæðisins: (fjöldi atkvæða fyrir framan)

207 - Britney Jones, Fjölnir

151 - Sigrún Sjöfn Ámundadóttir, KR

149 - Siarre Evans, Haukar

141 - Jaleesa Butler, Valur

131 - Margrét Rósa Hálfdanardóttir, Haukar

Lið landsbyggðarinnar:

243 - Sara Rún Hinriksdóttir, Keflavík

238 - Lele Hardy, Njarðvík

202 - Pálína Gunnlaugsdóttir, Keflavík

171 - Hildur Björg Kjartansdóttir, Snæfell

166 - Hildur Sigurðardóttir, Snæfell

Á Stjörnuleiknum verður einnig efnt til þriggja stiga keppni þar sem 12 leikmenn munu keppa um titilinn „Þriggja stiga drottningin 2013".

Þátttakendur í ár eru:

Jessica Ann Jenkins, Keflavík

Pálína Gunnlaugsdóttir, Keflavík

Siarre Evans, Haukar

Petrúnella Skúladóttir, Grindavík

Crystal Smith, Grindavík

Britney Jones, Fjölnir

Sigrún Sjöfn Ámundadóttir, KR

Björg Guðrún Einarsdóttir, KR

Alda Leif Jónsdóttir, Snæfell

Kristrún Sigurjónsdóttir, Val

Lele Hardy, Njarðvík