Glee-stjarna kemur út úr skápnum

Glee-leikkonan Charice Pempengco segir í viðtali við spjallþáttarstjórnandann Boy Abunda að hún sé samkynhneigð.

“Já, ég er það. Ég veit ekki hvert vandamálið er því þetta er ekki vandamál fyrir mig. Ég bið um fyrirgefningu þeirra sem skilja þetta ekki. Og líka þeirra sem geta ekki tekið þessum fréttum. Ég skil ykkur,” segir Charice.

“Til þeirra sem taka mér eins og ég er vil ég segja takk, takk, takk. Mig langar að segja ykkur að ég er létt á fæti og get farið út úr húsi án þess að hafa á tilfinningunni að ég sé að fela eitthvað. Ég elska sjálfa mig, þess vegna get ég stigið þetta skref,” bætir Charice við með tárin í augunum.

Charice varð fyrst fræg árið 2007 þegar spjallþáttadrottningin Ellen DeGeneres uppgötvaði hana á YouTube. Hún þreytti frumraun sína sem skiptineminn Sunshine Corazon í annarri seríunni af Glee.

Dragðu Tarotspil dagsins hér.