Ólafur Darri rísandi stjarna í Bandaríkjunum

Leikarinn Ólafur Darri Ólafsson verður í forgrunni sjónvarpsþáttarins Line of Sight hjá kapalstöðinni AMC sem á meðal annars heiðurinn á þáttunum Breaking Bad og Mad Men.

Kvikmyndavefurinn Svarthöfði greinir frá þessu og segir meðal annars að stórlaxar á borð við Jonathan Demme, leikstjóri Silence of the Lambs, sé einn þeirra sem eru með puttana í þessum þáttum sem fjalla um Lewis Bernt, sem David Morrissey leikur, sem lifir af dularfullt flugslys. Hann leggur í kjölfarið upp í rannsóknarleiðangur þar sem hann reynir að komast að tildrögum slyssins og þar kemur að Ólafi Darra sem leikur Edgar, ósveigjanlegum og voldugum manni sem virðist vita ýmislegt um slysið.