Team Tvis öruggt með annað sætið

Þórey Rósa Stefánsdóttir skoraði tvö mörk þegar að Team Tvis Holstebro vann öruggan sigur á Odense, 34-23, í dönsku úrvalsdeildinni í kvöld.

Rut Jónsdóttir skoraði eitt mark fyrir Team Tvis sem tryggði sér annað sæti deildarinnar með sigrinum í kvöld. Þar með er ljóst að liðið tekur með sér eitt stig í úrslitakeppnina en sex efstu lið deildarinnar komast í hana.

Staðan í hálfleik í kvöld var 16-11, Team Tvis í vil, og sigur liðsins öruggur eins og tölurnar bera með sér. Þetta var níundi sigur Team Tvis í röð í deildinni.