Frestur til að skila skattframtali rennur út í dag

Síðasti dagur til að skila inn skattaframtali er í dag. Klukkan tíu í morgun voru nítíu og átta þúsund og tvöhundruð búnir að skila inn framtali en 262.640 eru á skattgrunnskrá. Samkvæmt upplýsingum frá Ríkisskattstjóra eru skilin í ár betri en í fyrra sem bendir til að einföldun á framtalinu hafi auðveldað fólki vinnuna.

Í gær skiluðu sér inn sextánþúsund framtöl og gætu þau orðið tuttuguþúsund í dag, síðasta skiladag. Í kringum síðustu helgi voru að skila sér inn á milli fjögur til fimm þúsund framtöl á dag svo stígandinn í skilunum er mikill. Þó er búist við að margir skili inn um komandi helgi og dagana fram að páskum en hægt er að sækja um skilafrest til 3. apríl.