Di Matteo: Dómarinn var skelfilegur og kostaði okkur þennan leik

Roberto di Matteo, knattspyrnustjóri Chelsea, var virkilega harðorður í garð dómara leiksins, Mark Clattenburg, eftir að lið hans hafði tapað fyrir Manchester United 3-2.

„Ákvarðanir dómarans voru skelfilega í dag. Það kórónaði slæman leik hans þegar hann rak Torres af velli og leyfði rangstöðumarki United að standa."

„Torres setti boltann í gegnum klofið á varnarmanni United, var sloppinn í gegn en tekinn niður, ég var gjörsamlega orðlaus þegar hann gaf honum gult fyrir dýfu."

„Það féll allt með United í dag og dómarinn var á þeirra bandi, það gerir menn enn svekktari eftir þennan leik."