Íslendingur stýrir stórri listsýningu í Tékklandi

Níu ungir íslenskir listamenn verða meðal þáttakenda í fjölþjóðlegri listsýningu, yfir 30 listamanna í Zinkovy kastala, skammt frá Prag í Tékklandi, sem hefst um mánaðmótin og stendur út September mánuð. Sýningarstjóri er Hrafnhildur Gisssurardóttir, sem útskrifaðist með bachelor gráðu í myndlist frá Gerrit Rietveld háskólanum árið 2009 og hefur undanfarið ár stýrt sýningahaldi í Amstel-41 galleríinu í miðborg Amsterdam.

Þessi sýning á að marka upphaf árlegra listviðburða í Zinkovy kastala, og eiga þeir að skipa verðugan sess, þegar Prag verður menningarborg Evrópu árið 2015. Í fréttatilkynningu kemur fram að sýningunni sé ætlað að draga fram fjölbreytileika í evrópskri listsköpun og listmiðlun samtímans, og hafa í heiðri tengslin við fortíðina. Þá fá lisatmennirnir svigrúm til sameiginlegrar listsköpunar í kastalanum, á meðan á sýningunni stendur.

Íslensku þáttakendurnir eru Þórdís Erla Zoega, Kristinn Guðmundsson, Hrund Atladóttir, Björk Viggósdóttir, Elva Guðmundsdóttir, Hrafnhildur Helgadóttir, Inga María Brynjarsdóttir, Ýr Þrastardóttir og Sæmundur Þór Helgason.