Mikið um dýrðir í Nexus í dag

Um 500 manns hafa lagt leið sína í afþreyingarbúðina Nexus í dag en alþjóðlega myndasögudeginum er fagnað þar í dag.

Nexus er ein af þúsundum myndasagnaverslana sem taka þátt í deginum, sem nú er haldinn í ellefta skipi. Deginum er ætlað að kynna myndasöguformið og fagna litríkri sögu þess.

Mikið hefur verið um dýrðir í Nexus í dag en starfsmenn verslunarinnar vonast til þess að um 1.500 muni heimsækja búðina í dag og næli sér í myndasögur, sér að kostnaðarlausu.

Hátíðarhöldin hófust klukkan 13:00 og standa til klukkan 18:00.