Efstu þrjú liðin unnu | Öll úrslit og stigaskor í körfunni í kvöld

Það fór fram heil umferð í Iceland Express deild karla í kvöld. Þrjú efstu liðin, Grindavík, Stjarnan og Keflavík unnu öll sína leiki og KR komst upp í 4. sæti deildarinnar eftir sigur á Haukum á Ásvöllum.

KR telfdi fram þremur nýjum erlendum leikmönnum og byrjaði ekki vel á móti Haukum. Haukar komust í 5-0 og voru með frumkvæðið allan fyrri hálfeik og tveggja stiga forskot í hálfleik, 41-39. KR-ingar skoruðu átta af fyrstu tíu stigum seinni hálfleiks, litu ekki til baka eftir það og unnu á endanum átta stiga sigur.

Það var jafn og spennandi leikur milli ÍR og Keflavíkur í fyrri hálfleik en í seinni hálfleik skiptu Keflvíkingar um gír og lönduðu nokkuð þægilegum ellefu stiga sigri.

Valsmenn voru 24-18 yfir á móti Þór úr Þorlákshöfn eftir fyrsta leikhlutann en Þórsliðið skoraði fimmtán fyrstu stigin í öðrum leikhlutanum og var 43-36 yfir í hálfleik. Sigur Þórsara var síðan aldrei í hættu í seinni hálfleik en þeir unnu að lokum með 17 stiga mun.

Snæfell vann 100-99 sigur á Tindastól í frábærum framlengdum leik í Síkinu á Sauðarkróki en Snæfellsliðið var með unninn leik en misstu niður 16 stiga forskot á síðustu fimm mínútunum. Snæfellingum tókst hinsvegar að redda sér í framlengingunni og það var nýliðinn Óskar Hjartarson sem var hetja liðsins í sínum fyrsta leik í úrvalsdeildinni en Óskar kom frá Mostra á dögunum.

Justin Shouse skoraði sigurkörfu Stjörnunnar á móti Fjölni í Grafarvogi eftir að Stjörnumönnum höfðu unnið lokakafla leiksins 18-6. Fjölnir náði 11 stiga forskoti, 71-60, þegar tæpar sjö mínútur voru til leiksloka en það nægði samt ekki til að landa sigrinum.

Grindavík vann síðan 73-65 sigur á Njarðvíkingum í Grindavík. Grindavík náði góðri forystu í leiknum en frábær þriðji leikhluti kom Njarðvíkingum inn í leikinn. Grindvíkingar voru hinsvegar sterkari á lokakaflanum.



Úrslit og stigaskor í Iceland Express deild karla í kvöld:

Fjölnir-Stjarnan 77-78 (15-14, 29-25, 23-21, 10-18)

Fjölnir: Nathan Walkup 28/11 fráköst, Calvin O'Neal 18/6 fráköst/5 stoðsendingar, Jón Sverrisson 15/14 fráköst/3 varin skot, Arnþór Freyr Guðmundsson 7, Trausti Eiríksson 4/5 fráköst, Björgvin Hafþór Ríkharðsson 3, Hjalti Vilhjálmsson 2/5 stoðsendingar.

Stjarnan: Justin Shouse 21/4 fráköst/5 stoðsendingar, Guðjón Lárusson 18/7 fráköst, Fannar Freyr Helgason 13/8 fráköst, Keith Cothran 12/5 fráköst, Marvin Valdimarsson 9/5 fráköst, Sigurjón Örn Lárusson 5/5 fráköst.



Grindavík-Njarðvík 73-65 (24-18, 16-14, 17-24, 16-9)

Grindavík: J'Nathan Bullock 24/9 fráköst, Ólafur Ólafsson 15/11 fráköst/6 stoðsendingar, Sigurður Gunnar Þorsteinsson 12/5 fráköst, Giordan Watson 6/7 fráköst/6 stoðsendingar, Þorleifur Ólafsson 6, Björn Steinar Brynjólfsson 5, Ómar Örn Sævarsson 3/6 fráköst, Jóhann Árni Ólafsson 2/5 fráköst.

Njarðvík: Cameron Echols 22/9 fráköst, Travis Holmes 17/13 fráköst, Elvar Már Friðriksson 7, Hjörtur Hrafn Einarsson 6, Maciej Stanislav Baginski 5, Ólafur Helgi Jónsson 4, Jens Valgeir Óskarsson 4.



Tindastóll-Snæfell 99-100 (17-24, 19-18, 23-29, 22-10, 18-19)

Tindastóll: Helgi Rafn Viggósson 22/5 fráköst, Maurice Miller 19/11 fráköst/11 stoðsendingar, Curtis Allen 19/6 fráköst/5 stoðsendingar, Friðrik Hreinsson 14, Þröstur Leó Jóhannsson 11, Svavar Atli Birgisson 10, Myles Luttman 2, Hreinn Gunnar Birgisson 2/7 fráköst.

Snæfell: Quincy Hankins-Cole 26/11 fráköst, Jón Ólafur Jónsson 24/6 fráköst, Marquis Sheldon Hall 15/6 fráköst/6 stoðsendingar/5 stolnir, Hafþór Ingi Gunnarsson 9, Óskar Hjartarson 9/5 fráköst, Pálmi Freyr Sigurgeirsson 8/8 fráköst, Ólafur Torfason 7/4 fráköst, Sveinn Arnar Davidsson 2.



Valur-Þór Þorlákshöfn 73-90 (24-18, 12-25, 21-22, 16-25)

Valur: Garrison Johnson 23/4 fráköst, Birgir Björn Pétursson 14/8 fráköst, Hamid Dicko 14/4 fráköst, Snorri Þorvaldsson 8, Austin Magnus Bracey 7/4 fráköst, Ragnar Gylfason 4/4 fráköst, Benedikt Blöndal 3.

Þór Þorlákshöfn: Matthew James Hairston 25/14 fráköst, Darrin Govens 25/4 fráköst, Guðmundur Jónsson 18/6 fráköst, Baldur Þór Ragnarsson 7/5 stoðsendingar, Blagoj Janev 7/6 fráköst, Þorsteinn Már Ragnarsson 4, Darri Hilmarsson 4.



Haukar-KR 74-82 (22-21, 19-18, 12-25, 21-18)

Haukar: Hayward Fain 18/8 fráköst, Christopher Smith 16/12 fráköst/3 varin skot, Haukur Óskarsson 13, Davíð Páll Hermannsson 9, Emil Barja 9/8 fráköst/6 stoðsendingar, Helgi Björn Einarsson 4/6 fráköst, Sævar Ingi Haraldsson 3, Guðmundur Kári Sævarsson 2/4 fráköst.

KR: Joshua Brown 26/4 fráköst/5 stolnir, Emil Þór Jóhannsson 17, Robert Lavon Ferguson 17/6 fráköst, Skarphéðinn Freyr Ingason 8/5 fráköst, Jón Orri Kristjánsson 6/4 fráköst, Finnur Atli Magnusson 5/4 fráköst, Ólafur Már Ægisson 3.



ÍR-Keflavík 84-95 (26-31, 14-11, 21-27, 23-26)

ÍR: Nemanja Sovic 26/10 fráköst, James Bartolotta 18, Robert Jarvis 16/4 fráköst/8 stoðsendingar, Hjalti Friðriksson 10/5 fráköst, Ellert Arnarson 7, Kristinn Jónasson 3, Eiríkur Önundarson 3, Þorvaldur Hauksson 1. .

Keflavík: Charles Michael Parker 34/9 fráköst, Steven Gerard Dagustino 19/4 fráköst/5 stoðsendingar, Jarryd Cole 16, Magnús Þór Gunnarsson 10/5 fráköst/5 stolnir, Valur Orri Valsson 7, Almar Stefán Guðbrandsson 6/8 fráköst, Hafliði Már Brynjarsson 3.