Rekstur OR mun standa undir skuldum

ViðskiptiÚtlit er fyrir að Orkuveita Reykjavíkur (OR) nái markmiðum sínum um hagræðingu í rekstri og gott betur á þessu ári. Í lok þriðja ársfjórðungs hafði fyrirtækið náð fram tæplega 10 prósentum meiri sparnaði en stefnt var að.

Á tímabilinu hagnaðist OR um 2,6 milljarða króna en rekstrarhagnaður fyrir skatta, afskriftir og fjármagnsliði var tæpir 11 milljarðar og jókst talsvert frá sama tímabili í fyrra.

?Rekstur Orkuveitunnar er kominn í mjög gott horf og við erum ekki lengur að reyna að breyta rekstrinum,? segir Bjarni Bjarnason, forstjóri OR, og bætir við að reksturinn muni á næstu árum standa undir afborgunum skulda.

Sem fyrr ber að skoða rekstur OR með hliðsjón af þungri skuldastöðu fyrirtækisins en í mars á síðasta ári var kynnt aðgerðaáætlun sem miðar að því að tryggja rekstrargrundvöll fyrirtækisins. Þar á meðal samþykktu sveitarfélögin sem eiga fyrirtækið að veita því 12 milljarða króna víkjandi lán.

Áætlun OR nefnist ?Planið? og nær til ársins 2016. Í henni hefur fyrirtækið sett sér markmið um hagræðingu í rekstri á hverju ári til og með 2016. Alls stefnir fyrirtækið að því að ná fram rétt ríflega 50 milljarða sparnaði. Til að ná því markmiði verða eignir seldar, fjárfestingar minnkaðar og hagrætt í rekstri.

Nú þegar hefur ríflega 21 milljarðs sparnaður náðst fram og þá hefur rekstur fyrirtækisins tekið stakkaskiptum. Þannig hefur rekstrarhagnaður ríflega þrefaldast frá árinu 2008 og er nú tæplega 11 milljarðar eins og áður sagði.- mþl