Íslenskur fjárfestahópur vill hlut Alterra í HS Orku 30. júní 2012 05:45 Geysir Green Energy seldi Alterra, sem þá hét Magma, hlut sinn í HS Orku í maí 2010. Þá var Alexander K. Guðmundsson (annar frá hægri) forstjóri Geysis. Hann leiðir nú hóp sem vill kaupa meirihluta í fyrirtækinu af Ross Beaty (í miðjunni). fréttablaðið/GVA Modum Energy og sjóðir í rekstri Stefnis, sjóðastýringafyrirtækis í eigu Arion banka, hafa gert kauptilboð í 66,6 prósenta hlut Alterra Power, sem hét áður Magma Energy, í HS Orku. Tilboðið er lagt fram í samstarfi við Arion banka sem verður þó ekki beinn eignaraðili gangi áformin upp. Til stendur að fjölga í hluthafahópnum gangi samningsviðræður vel og stefnt er að því að skrá HS Orku á hlutabréfamarkað ef af kaupunum verður. Unnið hefur verið að málinu frá því í janúar og búið er að undirrita viljayfirlýsingu við Alterra um að báðir aðilar hafi áhuga á að ganga frá sölunni. Umfang tilboðsins fæst ekki uppgefið en stefnt er að því að ljúka kaupunum í síðasta lagi í haust. Miðað við það gengi sem var á síðustu viðskiptum með hluti í HS Orku er virði hlutarins um 28 milljarðar króna. Modum Energy var stofnað í febrúar síðastliðnum. Fyrir félaginu fara Alexander K. Guðmundsson og Eldur Ólafsson. Alexander var forstjóri Geysis Green Energy, sem var um nokkurt skeið stærsti eigandi HS Orku, þar til í janúar 2012. Að sögn hans hefur verið unnið að hugmyndinni um að kaupa hlut Alterra síðan þá. „Hugmyndin fæðist á Íslandi. Við höfum verið að vinna að þessu nokkuð lengi. Þetta er upphafið að ákveðinni vegferð en það er mikil vinna eftir.“ Kaup Alterra á HS Orku voru á sínum tíma afar umdeild. Meðal annars var sett í gang ferli, undir forystu Steingríms J. Sigfússonar þáverandi fjármálaráðherra, til að reyna að tryggja að meirihluti fyrirtækisins héldist í opinberri eigu. Það ferli skilaði þó engri niðurstöðu og Alterra eignaðist það nánast að fullu. Fyrir rúmu ári var síðan tilkynnt að Jarðvarmi slhf., félag fjórtán lífeyrissjóða, hefði keypt 25 prósenta hlut í HS Orku af Alterra fyrir 8,1 milljarð króna. Kaupþing voru gerð á genginu 4,63 krónur á hlut, sem var nokkuð undir áætluðu matsvirði HS Orku. Ástæðan var sú að Alterra hafði greitt hluta fjárfestingar sinnar í HS Orku með aflandskrónum og naut Jarðvarmi þess afsláttar í kaupunum. Auk þess fékk Jarðvarmi kauprétt á nýjum hlutum á genginu 5,35 krónur á hlut. Þann rétt nýtti félagið sér í febrúar síðastliðnum. Jarðvarmi á nú 33,4 prósenta hlut og hefur greitt samtals 12,8 milljarða króna fyrir. Miðað við gengið á síðustu viðskiptum með bréf í HS Orku er virði þess hlutar, sem Modus Energy og Stefnir ætla sér að kaupa, því 27,9 milljarðar króna. Samkvæmt heimildum Fréttablaðsins hefur stjórn Jarðvarma verið gerð grein fyrir að tilboðið hefði verið á leiðinni. Hún er jákvæð gagnvart því. Jarðvarmi hefur ítrekað lýst því yfir að vilji sé til þess hjá eigendum félagsins að skrá HS Orku á markað. Í tilkynningu frá Modus-hópnum sem send var út í gær kom fram sami vilji til að skrá HS Orku „í kauphöll á næstu misserum og mun almenningi þannig gefast kostur á að eignast hluti í HS Orku“. thordur@frettabladid.is Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Íslandsbanki greiðir 570 milljóna króna sekt Viðskipti innlent „Katrín Olga, þetta er eingöngu hálftími af þínu lífi“ Atvinnulíf „Hann eyðileggur alltaf alla stemningu um leið og hann kemur“ Atvinnulíf Kínverski risinn sem herjar á evrópska neytendur Viðskipti innlent Að gera ekki algeng mistök sem stjórnandi í fyrsta sinn Atvinnulíf „Ég nenni ekki að standa í einhverju veseni“ Atvinnulíf Nýjum alþjóðaflugvelli á Grænlandi seinkar enn Viðskipti erlent Vilja rannsaka meint samráð með OPEC Viðskipti erlent Hvetja fólk til að taka verðmerkingum í Hagkaup með fyrirvara Viðskipti innlent Fjölda fólks sagt upp hjá Icelandair Viðskipti innlent Fleiri fréttir Íslandsbanki greiðir 570 milljóna króna sekt Bein útsending: „Hvað verður í matinn?“ Skrifuðu undir kaup Landsbankans á TM Reynslubolti í hótelrekstri færir sig um set Icelandair tekur skarpa dýfu niður fyrir útboðsgengi Verðbólgan tekur smá kipp upp á við Wise og Þekking orðin eitt Kínverski risinn sem herjar á evrópska neytendur Sögðu upp 82 starfsmönnum Hvetja fólk til að taka verðmerkingum í Hagkaup með fyrirvara Fjölda fólks sagt upp hjá Icelandair Kaldvík skráð á markað Ofgreiddar lífeyrisgreiðslur nærri tvöfölduðust á milli ára Dæla skyrinu af ísvélum á Skálinni Bein útsending: Framtíð EES til umræðu á þrjátíu ára afmæli Sker úr um hvort veitingamaður hafi mátt borga fyrir kókið Allir halda stjörnu og OTO fær viðurkenningu Ætla að bjóða vaxtalaus lán í aðdraganda mánaðamóta Muni gera meiri kröfur til áfengiskaupenda en flestir aðrir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt Sjá meira
Modum Energy og sjóðir í rekstri Stefnis, sjóðastýringafyrirtækis í eigu Arion banka, hafa gert kauptilboð í 66,6 prósenta hlut Alterra Power, sem hét áður Magma Energy, í HS Orku. Tilboðið er lagt fram í samstarfi við Arion banka sem verður þó ekki beinn eignaraðili gangi áformin upp. Til stendur að fjölga í hluthafahópnum gangi samningsviðræður vel og stefnt er að því að skrá HS Orku á hlutabréfamarkað ef af kaupunum verður. Unnið hefur verið að málinu frá því í janúar og búið er að undirrita viljayfirlýsingu við Alterra um að báðir aðilar hafi áhuga á að ganga frá sölunni. Umfang tilboðsins fæst ekki uppgefið en stefnt er að því að ljúka kaupunum í síðasta lagi í haust. Miðað við það gengi sem var á síðustu viðskiptum með hluti í HS Orku er virði hlutarins um 28 milljarðar króna. Modum Energy var stofnað í febrúar síðastliðnum. Fyrir félaginu fara Alexander K. Guðmundsson og Eldur Ólafsson. Alexander var forstjóri Geysis Green Energy, sem var um nokkurt skeið stærsti eigandi HS Orku, þar til í janúar 2012. Að sögn hans hefur verið unnið að hugmyndinni um að kaupa hlut Alterra síðan þá. „Hugmyndin fæðist á Íslandi. Við höfum verið að vinna að þessu nokkuð lengi. Þetta er upphafið að ákveðinni vegferð en það er mikil vinna eftir.“ Kaup Alterra á HS Orku voru á sínum tíma afar umdeild. Meðal annars var sett í gang ferli, undir forystu Steingríms J. Sigfússonar þáverandi fjármálaráðherra, til að reyna að tryggja að meirihluti fyrirtækisins héldist í opinberri eigu. Það ferli skilaði þó engri niðurstöðu og Alterra eignaðist það nánast að fullu. Fyrir rúmu ári var síðan tilkynnt að Jarðvarmi slhf., félag fjórtán lífeyrissjóða, hefði keypt 25 prósenta hlut í HS Orku af Alterra fyrir 8,1 milljarð króna. Kaupþing voru gerð á genginu 4,63 krónur á hlut, sem var nokkuð undir áætluðu matsvirði HS Orku. Ástæðan var sú að Alterra hafði greitt hluta fjárfestingar sinnar í HS Orku með aflandskrónum og naut Jarðvarmi þess afsláttar í kaupunum. Auk þess fékk Jarðvarmi kauprétt á nýjum hlutum á genginu 5,35 krónur á hlut. Þann rétt nýtti félagið sér í febrúar síðastliðnum. Jarðvarmi á nú 33,4 prósenta hlut og hefur greitt samtals 12,8 milljarða króna fyrir. Miðað við gengið á síðustu viðskiptum með bréf í HS Orku er virði þess hlutar, sem Modus Energy og Stefnir ætla sér að kaupa, því 27,9 milljarðar króna. Samkvæmt heimildum Fréttablaðsins hefur stjórn Jarðvarma verið gerð grein fyrir að tilboðið hefði verið á leiðinni. Hún er jákvæð gagnvart því. Jarðvarmi hefur ítrekað lýst því yfir að vilji sé til þess hjá eigendum félagsins að skrá HS Orku á markað. Í tilkynningu frá Modus-hópnum sem send var út í gær kom fram sami vilji til að skrá HS Orku „í kauphöll á næstu misserum og mun almenningi þannig gefast kostur á að eignast hluti í HS Orku“. thordur@frettabladid.is
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Íslandsbanki greiðir 570 milljóna króna sekt Viðskipti innlent „Katrín Olga, þetta er eingöngu hálftími af þínu lífi“ Atvinnulíf „Hann eyðileggur alltaf alla stemningu um leið og hann kemur“ Atvinnulíf Kínverski risinn sem herjar á evrópska neytendur Viðskipti innlent Að gera ekki algeng mistök sem stjórnandi í fyrsta sinn Atvinnulíf „Ég nenni ekki að standa í einhverju veseni“ Atvinnulíf Nýjum alþjóðaflugvelli á Grænlandi seinkar enn Viðskipti erlent Vilja rannsaka meint samráð með OPEC Viðskipti erlent Hvetja fólk til að taka verðmerkingum í Hagkaup með fyrirvara Viðskipti innlent Fjölda fólks sagt upp hjá Icelandair Viðskipti innlent Fleiri fréttir Íslandsbanki greiðir 570 milljóna króna sekt Bein útsending: „Hvað verður í matinn?“ Skrifuðu undir kaup Landsbankans á TM Reynslubolti í hótelrekstri færir sig um set Icelandair tekur skarpa dýfu niður fyrir útboðsgengi Verðbólgan tekur smá kipp upp á við Wise og Þekking orðin eitt Kínverski risinn sem herjar á evrópska neytendur Sögðu upp 82 starfsmönnum Hvetja fólk til að taka verðmerkingum í Hagkaup með fyrirvara Fjölda fólks sagt upp hjá Icelandair Kaldvík skráð á markað Ofgreiddar lífeyrisgreiðslur nærri tvöfölduðust á milli ára Dæla skyrinu af ísvélum á Skálinni Bein útsending: Framtíð EES til umræðu á þrjátíu ára afmæli Sker úr um hvort veitingamaður hafi mátt borga fyrir kókið Allir halda stjörnu og OTO fær viðurkenningu Ætla að bjóða vaxtalaus lán í aðdraganda mánaðamóta Muni gera meiri kröfur til áfengiskaupenda en flestir aðrir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt Sjá meira