Ummi gefur út sumarlag

Tónlistarmaðurinn Ummi Guðjónsson hefur sent frá sér lagið Sumarið er komið aftur. Þetta er annað lagið sem hann gefur út af væntanlegri plötu sinni sem kemur út síðar á þessu ári.

„Sumarið er komið aftur varð til við mjög litla fyrirhöfn, þetta var bara augnablikið þegar fyrstu sólargeislar sumarsins teygðu sig inn í svefnherbergið. Ég man eftir að hafa vaknað við það, sest upp í rúminu, teygt mig í gítarinn og munnhörpuna og 10 mínútum seinna var lagið komið," segir Ummi, sem er búsettur í London.