Sjö tomma frá Retro

Hljómsveitin Retro Stefson hefur sent frá sér sjö tommu vínylplötu með laginu Qween. Á B-hlið plötunnar er að finna endurhljóðblandaða útgáfu af laginu eftir Hermigervil. Hann er einmitt að aðstoða sveitina við upptökur á næstu plötu hennar, eins og Fréttablaðið hefur greint frá. Áætlað er að hún komi út í lok sumars.

Sjö tomman er gefin út í takmörkuðu upplagi, aðeins þrjú hundruð eintökum. Þetta er fyrsta plata Retro Stefson undir merkjum útgáfunnar Record Records.