Óvíst með framhald Prometheus

Ekki hefur verið ákveðið hvort framhald verður gert af spennumyndinni Prometheus. Þetta segir handritshöfundurinn Damon Lindelof.

Prometheus fór beint á toppinn yfir aðsóknarmestu myndir Bretlands um síðustu helgi og hefur fengið góðar viðtökur gagnrýnenda.

Lindelof ræddi oft við leikstjórann Ridley Scott um hversu mikið yrði afhjúpað í myndinni. „Ég sagði við hann: „Fólk gæti orðið pirrað ef við ætlum að halda aftur af okkur. Við þurfum að hugsa vel og vandlega um hverju við viljum sleppa því það er alls ekki öruggt að framhaldsmyndir verði gerðar," sagði Lindelof.

Hér fyrir ofan má sjá umfjöllun Sjáðu um Prometheus.