Tvær norskar í úrvalsliði Ólympíuleikanna

Norski markvörðurinn Kari Aalvik Grimsbo og norski línumaðurinn Heidi Loke voru báðar valdar í úrvalslið handboltakeppni kvenna á Ólympíuleikunum í London en val sérstakar nefndar á vegum IHF var tilkynnt í dag.

Noregur tryggði sér gullið á öðrum leikunum í röð með því að vinna Svartfjallaland 26-23 í úrslitaleiknum í gær. Íslendingurinn Þórir Hergeirsson þjálfar eins og kunnugt er norsku stelpurnar.

Svartfjallaland á einnig tvo leikmenn í liðinu en skyttur liðsins,

Katarina Bulatovic og Bojana Popovic, voru tveir markahæstu leikmenn mótsins. Bulatovic skoraði 53 mörk og Popovic var með 46 mörk.

Heidi Loke var eini leikmaður úrvalsliðsins sem var einnig í úrvalsliðinu á síðasta stórmóti sem var HM í Brasilíu í desember 2011.

Úrvalslið kvenna á Ólympíuleikunum í London:

Vinstra horn: Jo Hyobi (Suður-Kórea)

Lína: Heidi Loke (Noregur)

Hægra horn: Alexandra Nascimento (Brasilía)

Vinstri skytta: Bojana Popovic (Svartfjallaland)

Leikstjórnandi: Marta Mangue (Spánn)

Hægri skytta: Katarina Bulatovic (Svartfjallaland)

Markvörður: Kari Aalvik Grimsbo (Noregur)