Fíkniefnasmyglarar í þriggja ára fangelsi

Þrír pólskir karlmenn voru í morgun dæmdir í þriggja ára fangelsi hver fyrir umfangsmikið fíkniefnasmygl í apríl á þessu ári. Mennirnir voru fundnir sekir um að hafa smyglað inn 8,5 kílóum af amfetamíni í sjampóbrúsum.

Tveir þeirra voru stöðvaðir við komuna til landsins í Leifsstöð en sá þriðji var stöðvaður í bíl þegar hann var kominn til Reykjavíkur. Það var fíkniefnafundurinn Nelson sem fann fíkniefnin.

Mennirnir komu allir með flugi frá Varsjá í Póllandi. Þeir sátu þó á víð og dreif um vélina, og sögðu fyrir dómara, að þeir hefðu ekki vitað af veru hvors annars. Þeir neituðu við aðalmeðferð málsins að hafa skipulagt smyglið.