Sverre: Við börðumst allan leikinn

„Mér líður auðvitað alveg ömurlega. Ég veit ekki hvað ég á að segja við þig heldur. Það er hrikalega erfitt að þurfa kyngja þessu," sagði Sverre eftir leikinn.

„Þetta var hrikalega jafnt. Ef við hefðum skorað úr vítinu þá værum við fagnandi í dag. Stundum er það stöngin inn og stundum stöngin út."

„Ég ætla ekki að segja að þetta sé sjokk. Þetta er erfitt, mjög erfitt."

Hann átti erfitt með að meta frammistöðu liðsins svo stuttu eftir leik. „Við vorum allavega að berjast allan tímann. Við byrjuðum auðvitað illa en við náðum að koma okkur inn í leikinn. Svo komust þeir yfir, svo við og svo framvegis."

„Ungverjar eru með hörkulið. Vörnin var góð og markvarslan frábær. Hreiðar kom líka mjög sterkur inn hjá okkur."

„Þetta var bara „fifty-fifty" leikur og þeir geta stundum endað á þennan veg."