Ragnar lék allan leikinn í sigri FCK

Ragnar Sigurðsson lék allan vörninn í hjarta varnarinnar hjá FC Kaupmannahöfn er liðið vann 2-1 sigur á Nordsjælland í dönsku úrvalsdeildinni í dag.

Gestirnir komust yfir á Parken í viðbótartíma í fyrri hálfleik með sjálfsmarki og leiddu í hálfleik.

Tvö mörk á sex mínútna kafla í síðari hálfleik tryggðu heimamönnum stigin þrjú og gott forskot á toppi deildarinnar.

Leikurinn var sannkallaður sex stiga leikur í toppbaráttu deildarinnar. Nordsjælland hefði með sigri getað náð FCK að stigum en í staðinn er munurinn sex stig.

Sölvi Geir Ottesen sat allan tímann á bekknum hjá FCK en hann hefur átt við meiðsli að stríða.