Erfitt að fá hlutverk

Kiefer Sutherland segist hafa átt erfitt með að finna góð hlutverk eftir að hafa leikið í sjónvarpsþáttaröðinni vinsælu 24. Hinn 45 ára leikari fer núna með hlutverk í dramaþáttunum Touch.

„Ég gat ekki valið úr mörgum hlutverkum. Það kom mér dálítið á óvart," sagði Sutherland við The Hollywood Reporter. Hann ætlaði ekki að leika strax aftur í sjónvarpsþáttum eftir að 24 lauk göngu sinni.

„24 var ótrúleg reynsla en ég ætlaði ekki að snúa aftur í sjónvarp svo fljótt."