Gerendur þekktir í tveimur af þremur nauðgunarmálum

Lögreglan er með menn grunaða í tveimur af þremur nauðgunarmálum sem komu upp um verslunarmannahelgina í Vestmannaeyjum. Oddur Árnason, yfirlögregluþjónn á Selfossi, staðfestir þetta í samtali við Vísi. Tekin hefur verið skýrsla af báðum mönnunum og voru þeir látnir lausir að því loknu.

Oddur segir þó óvarlegt að segja frá því hvenær rannsókn málanna muni ljúka. „Það eru fullt af öðrum þáttum sem þarf að rannsaka," segir hann. Fjölmargir sérfræðingar þurfi að koma að þeirri rannsókn.

Lögreglan óskaði eftir upplýsingum frá símarfyrirtækjum um farsímasamtöl sem hefðu farið um fjarskiptamöstur í Vestmannaeyjum. Hæstiréttur hafði í gær kröfu lögreglunnar um að Símanum yrði gert að láta þessar upplýsingar af hendi. Vegna þess dóms mun lögreglan ekki fá upplýsingar um þetta frá símafyrirtækjunum, en lögreglan taldi að með þessu væri hægt að bera kennsl á meintan geranda í þriðja málinu.