Litla sólin - Nýjasta verk Ólafs Elíassonar kynnt

Nýjasta verk Ólafs Elíassonar, myndlistamanns, hefur verið opinberað í Tate Modern listasafninu í Lundúnum. Verkefnið er hluti af London 2012 hátíðinni en hún er haldin í tilefni af Ólympíuleikunum sem hefjast í borginni seinna í þessum mánuði.

Verkefnið ber heitið Little Sun. Ólafur og samstarfsmenn hans hafa hannað lítinn lampa sem safngestir beina að verkum súrrealista þegar ljósin slokkna í Tate Modern.

Lampinn er alfarið knúinn af sólarorku. Með verkefninu vill Ólafur varpa ljósi á þá staðreynd að 1.6 milljarðar manns eru án rafmagns. Sólarorka sé ákjósanleg leið til að binda enda á orkuskort þessa fólks.

„Tate Modern er minn leikvöllur," sagði Ólafur í samtali við The Sun. „Þetta verkefni er afar persónulegt. Heimsbyggðin er mitt hjartans mál, ég hef samt sem áður aldrei aðhafst nóg í þessum efnum."

Ruth MacKenzie, stjórnandi London 212 hátíðarinnar, sagði að Little Sun verkefnið „kristalli gildi Ólympíuleikanna og þá samkennd sem þeir boða með þeim sem eru kúgaðir og alls lausir.