Segir Breivik hafa tögl og haldir í réttarsalnum

Norski hryðjuverkamaðurinn Anders Breivik mætti í morgun fyrir rétt, fjórða daginn í röð. Norskir miðlar greina frá því að í þetta skipti hafi hann ekki heilsað með sama hætti og hina dagana, það er að segja að hætti öfga hægri manna. Ættingjar fórnarlamba Breiviks sögðu það mikinn létti að hann hefði fengist til að láta af þessari kveðju en hún hefur valdið mikill hreykslan. Í dag virðist Breivik hinn kátasti og er vel til fara. Sjónvarpsstöðin TV2 hefur eftir sænskum sérfræðingi að svo virðist sem Breivik hafi tögl og haldir í réttarsalnum. Saksóknari verði að breyta um aðferð við yfirheyrslurnar.