Tveir sjómenn í kröppum dansi í Ísafjarðardjúpi

Tveir sjómenn á fiskibátnum Steinunni HF komust í hann krappann þegar báturinn fékk á sig brotsjó norður af Ísafjarðardjúpi undir kvöld í gær.

Við það fékk báturinn á sig mikla slagsíðu og sendu skipverjarnir út neyðarkall. Togararnir Örfyrirsey og Páll Pálsson komu brátt á vettvang og vörðu bátinn frekari áföllum, auk þess sem björgunarskip Landsbjargar var sent frá Ísafirði og þyrla Gælsunnar var send vestur.

Skipverjunum tókst að koma bátnum á réttan kjöl og veður lægði þegar komið var inn á djúpið þannig að báturinn sigldi fyrir eigin vélarafli til Bolungarvíkur, þangað sem komið var laust fyrir klukkan tíu í gærkvöldi. Sjómennina sakaði ekki, en einhverjar skemmdir urðu á bátnum.